डेङ्गु सार्ने लामखुट्टेको सर्भे शुरू, बेनीबजार डेङ्गुको उच्च जोखिममा   

रासस
जेठ २५, २०७७
dengue-virus-transmission-mosquito-disease

गलेश्वर, २५ जेठ । म्याग्दीमा लामखुट्टेको टोकाइबाट सङ्क्रमण फैलिने डेङ्गुको उच्च जोखिममा परेपछि सङ्क्रमति भेटिएका क्षेत्रमा डेङ्गु सार्ने एडिस जातको लामखुट्टेको सर्भे शुरू गरिएको छ।

पछिल्लो दुई महिनामा देशभरमा सबैभन्दा धेरै सङ्क्रमित भएको जिल्लामा रुपन्देहीपछि दोस्रोमा म्याग्दी परेपछि स्वास्थ्य कार्यालयको सक्रियतामा बेनी नगरपालिका र मङ्गला गाउँपालिकामा डेङ्गु सार्ने एडिस जातको लामखुट्टेबारे सर्भे शुरू गरिएको जिल्ला स्वास्थ्य कार्यालयका प्रमुख एकनारायण लम्सालले बताए।

“बेनीबजारमा डेङ्गु सार्ने लामखुट्टे अत्यधिक भेटियो, बेनी डेङ्गु सङ्क्रमणको उच्च जोखिममा छ” लम्सालले भने । स्वास्थ्य कार्यालय बागलुङमा कार्यरत भेक्टर कन्ट्रोल निरीक्षक याम बरालको उपस्थितिमा भइरहेको सर्भेमा बेनीबजारका ग्यारेजमा रहेका टायर, सार्वजनिकस्थान, चौतारीलगायत विभिन्न स्थानमा गरिएको स्थलगत सर्भेमा डेङ्गु सार्ने एडिस जातको लामखुट्टेका भण्डार नै भेटिएको थियो।

त्यस्तै मङ्गला गाउँपालिकको केन्द्र बावियाचौरमा समेत डेङ्गु सार्ने लामखुट्टे भेटिए पनि सङ्क्रमति भेटिएको गाउँपालिकाका केही स्थानमा भने सर्भेमा नदेखिएको सर्भे टोलीले जनाएको छ । यस वर्ष बेनी नगरपालिका र मङ्गला गाउँपालिकामा डेङ्गुका सङ्क्रमित भेटिएका छन्।

सर्भे टोली सङ्क्रमित भेटिएका वडाहरुमा नै पुग्ने जनाइएको छ । टोलीले सर्भेपछि थप योजनासहित डेङ्गु सार्ने लामखुट्टेको लार्भा खोज र नष्ट अभियान सञ्चालन गर्ने जनाएको छ । इपिडिमियोलोजी तथा रोग नियन्त्रण महाशाखाको पहिलो तथ्याङ्कअनुसार वैशाख र जेठ महिनामा देशैभरि ८३ जनामा डेङ्गु सङ्क्रमण भेटिएकामा सबैभन्दा धेरै रुपन्देहीमा १५ र म्याग्दीमा १२ मा डेङ्गु पोजेटिभ देखिएको छ।

Related News

सम्बन्धित समाचार

  • आधारभूत सीप प्रदान गर्न पाठ्यक्रम तयार : मुख्यमन्त्री

    आदर्श समाज सम्वाददाता जेठ १३, २०८१
    पोखरा । गण्डकीका मुख्यमन्त्री खगराज अधिकारीले विद्यार्थीलाई आधारभूत सीप प्रदान गर्न कक्षा ९ र १० को पाठ्यक्रम तयार भएको बताएका…
  • शान्ति भूपू विद्यार्थी मञ्चमा तारानाथ

    आदर्श समाज सम्वाददाता जेठ १३, २०८१
    पोखरा । पोखरा १६ जुम्लेटीस्थित शान्ति भूपू विद्यार्थी मञ्च अध्यक्षमा तारानाथ आचार्य चयन भएका छन् । मञ्चको शनिबार छैटौं अधिवेशनले…
  • जनप्रकाशमा पुनर्ताजगी तालिम

    आदर्श समाज सम्वाददाता जेठ १२, २०८१
    पोखरा । जनप्रकाश बहुमुखी क्याम्पस पोखरा २९ मा विश्वविद्यायल अनुदान आयोग सहयोगमा आयोजित पुनर्ताजगी तालिम सम्पन्न भएको छ । क्याम्पसको…
  • महानगरस्तरीय कवितावाचनमा अक्सफोर्ड स्कुलकी लीना प्रथम

    आदर्श समाज सम्वाददाता जेठ ११, २०८१
    पोखरा । आशीर्वाद क्लब अफ नेपालद्वारा आयोजित महानगरस्तरीय कवितावाचन प्रतियोगितामा अक्सफोर्ड स्कुलकी छात्रा लीना गुरुङ प्रथम भएकी छन् । प्रतियोगितामा…
  • पोखरा आदर्शको वक्तृत्वकलामा शिव प्रथम

    आदर्श समाज सम्वाददाता जेठ ११, २०८१
    पोखरा । पोखरा आदर्श सेकेन्डरी स्कुलमा भएको मावि तहस्तरीय नेपाली वक्तृत्वकला प्रतियोगिता शुक्रबार सम्पन्न भएको छ । प्रतियोगितात्मक कार्यक्रममा कक्षा…

hero news full width

Recent Posts

भर्खरै