कोभिड–१९ को जोखिम नियन्त्रण भन्दै सरकारले जारी राखेको लकडाउनका कारण बन्द रहेका मालपोत कार्यालय भोलि (आइतबार) देखि खुल्ने भएका छन् । साढे २ महिना लामो समयपश्चात मालपोत कार्यालय खुल्न लागेका हुन्।

भूमि व्यवस्थापन तथा अभिलेख विभाग, काठमाडौंले शुक्रबार सूचना जारी गर्दै सो जानकारी दिएको हो।

‘आइतबारदेखि कार्यालय प्रमुखले अनिवार्यरुपमा कार्यालयमा उपस्थित भई अन्य आवश्यक कर्मचारीलाई पनि उपस्थित गराई स्वास्थ्य सुरक्षा सतर्कता अपनाई कार्यालयका आन्तरिक प्रशासन व्यवस्थापन तथा अन्य अत्यावश्यक सेवा सुचारू गर्न आग्रह गर्दछौ’, शाखा अधिकृत कृष्णप्रसाद जोशीद्वारा हस्ताक्षरित सूचनामा उल्लेख छ।