जाजरकोट, १८ जेठ । यही जेठ १० गते रुकुम(पश्चिम) स्थित चौरजहारी नगरपालिका–८ सोतीमा मल्ल थरकी किशोरीलाई बिहे गर्न जाँदा आक्रमणमा परी घाइते भएका युवाले उपचारको माग गरेका छन् ।
उक्त घटनामा भेरी नगरपालिका–४ रानागाउँका सुदीप खड्कालगायत १२ जना घाइते भएका थिए । यही जेठ १० गते जाजरकोटबाट आएका युवा आक्रमणमा पर्दा पाँचजनाको मृत्यु भएको छ तथा एक जना अझै बेपत्ता रहेको जनाइएको छ । घटनामा जाजरकोट, भेरी नगरपालिका–४ का नवराज विक, गणेश बुढा, सन्दीप (सञ्जु) विक, ११ का लोकेन्द्र सुनार र रुकुम(पश्चिम) चौरजहारी नगरपालिका–१ का टीकाराम सुनारको मृत्यु भएको छ भने भेरी–११का गोविन्द शाही बेपत्ता छन् । पाँचजनाकै शव भेरी नदीको किनारमा भेटिएको थियो ।
घाइतेमध्ये सुदीप खड्काको हात र टाउकामा चोट लागेको छ । अर्का सरोज भँडेलको पिठ्यूँमा चोट लागेको छ । केहीको शरीरमा भित्री चोट लागेको जनाइएको छ । सबै शव खोज्नतर्फ लागेको र आफूहरुको उपचारमा कसैले ध्यान नदिएको उनीहरुले बताए । आफूहरुसँग व्यक्तिगतरुपमा उपचार गर्नका लागि पैसा नभएको गुनासो गर्दै उनीहरुले आफूहरुको उपचार हुनुपर्ने माग गरेका थिए ।
कर्णाली प्रदेशसभाका सदस्यले पीडित परिवारसँगको भेटघाट, घटनास्थल र सोतीगाउँको स्थलगत अध्ययन, स्थानीयवासी र प्रत्यक्षदर्शीसँगको छलफलपछि घटनाको न्यायिक र निष्पक्ष छानबिन हुनुपर्ने र दोषीलाई कडा कारवाही गर्नुपर्ने माग गरेका छन् । नेकपाका सचेतक सीता नेपालीले जातीय विभेदका कारण घटना भएको बताए । प्रदेशसभा सदस्य रातो कामीले नवराज र सोतीकी १७ वर्षीया किशोरीबीच प्रेम सम्बन्ध रहेको र अभिभावक तथा गाउँलेले त्यो सम्बन्ध अस्वीकार गरेकै कारण ठूलो घटना भएको बताए ।
सचेतक नेपाली, सामाजिक विकास समितिका सभापति राजु नेपाली, सांसद रातो कामी, दानसिङ परियार र झोवा विक घटनास्थलको अवलोकन गरेर फर्किउका थिए । त्यस्तै गृह मन्त्रालयका सहसचिव जीतेन्द्र बस्नेत नेतृत्वको टोलीले समेत शनिबारदेखि जाजरकोट र रुकुम(पश्चिम)को घटनास्थल र शव भेटिएको ठाउँको स्थलगत अध्ययन गरेको छ ।
अपराधी उम्कन पाउँदैनन्- डिआइजी पन्त
कर्णाली प्रदेश प्रहरी प्रमुख प्रहरी नायब महानिरीक्षक(डिआइजी) वसन्त पन्तले चौरजहारीको सोतीमा भएको घटनामा संलग्न जोसुकैलाई पनि कारवाहीको दायरामा ल्याइने बताए । उनले शनिबार घटनास्थलको स्थलगत अवलोकन गरी पीडित परिवारसँग भेटघाट गरेका थिए ।
पीडित परिवारले घटनाको निष्पक्ष छानबिन गरी अपराधमा संलग्नलाई हदैसम्मको कारवाही हुनुपर्ने माग गरेका छन् । छोरा गुमाएका बलबहादुर विकले घटनाको सत्यतथ्य छानबिन गरी न्याय दिलाउन र दोषी उम्किन नदिन आग्रह गरे । डिआइजी पन्तले घटनाको निष्पक्ष छानबिन हुने छ उनले भने । “तपाईंहरु ढुक्क हुनुहोस् । छानबिन निष्पक्ष हुन्छ । दोषी सजायको भागिदार हुन्छ । तपाईंहरुले न्याय पाउनुहुन्छ । मैले अनुसन्धानमा संलग्न मातहतका सबै प्रहरीलाई निर्देशन दिइसकेको छु ।”
शनिबार नै हालसम्मको घटनाको प्रगति विवरण जाजरकोट प्रहरीले प्रहरी नायब महानिरीक्षक पन्तलाई बुझाएको छ । उनले घटनाको सत्यतत्य छानबिन गर्न निर्देशन दिँदै अपराधीलाई कुनै पनि हालतमा उम्कन नदिन प्रहरीले निष्पक्ष भएर काम गर्नुपर्ने बताए । डिआइजी पन्तसँगै स्थलगत अवलोकन गर्न घटनास्थलमा जाजरकोट र रुकुमका प्रमुख जिल्ला अधिकारी तथा प्रहरी प्रमुखसहितको उपस्थिति थियो ।
Related News
सम्बन्धित समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
मुख्यमन्त्री अधिकारीले २३ गते विश्वासको मत लिने, राप्रपा विपक्षमै
राप्रपाले साथ नदिने भएपछि अधिकारी सरकार संकटमा, अब के होला ?
लाटोकोसेरो संरक्षक राजु आचार्यलाई बेलायतमा अवार्ड
hero news full width
मुख्य समाचार
पाेखरामा कालो धुँवा फाल्ने गाडीका चालक कारवाहीमा
मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१गण्डकी प्रदेशमा सत्ता राजनीति : प्रदेश सभा सदस्य ६०, बहुमत ३० ले पुग्ने !
वैशाख १९, २०८१नारायणगढ–बुटवल सडक ३३ किमी कालोपत्रे
वैशाख १९, २०८१