पोखरा, १२ जेठ । पोखराका नागरिक अभियन्ताहरुले मिलेनियम च्यालेन्ज कर्पोरेसन(एमसीसी) अमेरिकी सैन्य रणनीतिको एक अभिन्न अंग भएको भन्दै त्यसले नेपालले आफ्नो राष्ट्रिय स्वाधीनता दीर्घकालसम्म धरापमा पार्ने हुँदा सम्झौता खारेजीको माग गरेका छन् ।
नागरिक अभियन्ताहरु वरिष्ठ अधिवक्ता तिलक पराजुली, रामबहादुर पौडेल, शशी तुलाचन, विष्णुहरि अधिकारी र इन्द्रकमल मानन्धरले सोमबार संयुक्तरुपमा विज्ञप्ति जारी गरी ५५ करोड अमेरिकी डलरको लोभमा नेपालीको राष्ट्रिय स्वाधीनता र अस्मितामाथि कदापि आँच पु¥याउने काम गर्न नहुनेमा समेत सचेत गराएका छन् ।यो स्वीकार गर्नु भनेको हाम्रो असंलग्न परराष्ट्र नीतिविरुद्ध मात्र नभै मुलुकका लागि समेत घात हुने दाबी गरिएको छ ।
‘यसले मुलुकको सार्वभौम अधिकारलाई खुम्च्याउनुको साथै राष्ट्रिय निर्णय क्षमतामा समेत आँच पुर्याउने छ । आपत्तिजनक त यो छ कि यस परियोजना अन्तर्गत बनाइने भनिएको हाई भोल्टेज विद्युत् प्रसारण लाइनको रुट पोखरादेखि लुम्बिनीसम्मको प्रस्तावित रेलमार्गलाई व्यवधान उत्पन्न गर्नेगरी तय भएको प्रतीत हुन्छ,’ विज्ञप्तिमा उल्लेख छ ।
साथै, विज्ञप्तिमा भनिएको छ, ‘एमसीसी नेपालले स्वीकार गर्नैपर्ने भन्ने पक्षधर सत्तासीन एवं प्रतिपक्षबाट मुख्यतः २ वटा तर्क प्रस्तुत गरेका छन् । पहिलो कुरा ५५ करोड अमेरिकी डलर बराबरको ठूलो धनराशि गुमाउनु हुन्न । र, दोस्रो तर्क पूर्ववर्ती सरकारले स्वीकार गर्ने सम्झौता गरिसकेकोले अहिले अस्वीकार्दा मुलुकको विश्वासनीयता गुम्छ भन्ने छ । तर सम्झौता गर्दाका बखत तत्कालीन अर्थमन्त्रीले एमसीसीलाई अमेरिकी सैनिक रणनीति इण्डो–प्यासिफिक रणनीतिसँग जोडिएको थिएन । एमसीसीलाई उसको अंग बनाई अमेरिकीहरुले नै यसको चरित्रमा मौलिक परिवर्तन गरेकोले पुनर्विचार गर्नैपर्ने हुन्छ । जुन अधिकार हामीमा सुरक्षित छ ।’
Related News
सम्बन्धित समाचार
रेवान पोखरामा विश्वराज
कर्जा विस्तार हुनेगरी मौद्रिक नीति ल्यायौंः गभर्नर अधिकारी
गायक तथा गीतकार एलपी जोशी रहेनन्
आज मौद्रिक नीति सार्वजनिक हुँदै
पोखराको गन्नीलाई रनिङ सिल्ड
hero news full width
मुख्य समाचार
लीलादेवी बनिन् पहिलो महिला मुख्यसचिव
राइड सेयरिङविरुद्ध पोखराका यातायात व्यवसायीको आन्दोलन
श्रावण १०, २०८१जहाज सि चेकका लागि पोखरा आउँदै थियो
श्रावण ९, २०८१कन्टेनरमा बजारिएर दुई टुक्रा भयो, अनि आगो लाग्यो
श्रावण ९, २०८१सौर्य एयर दुर्घटनामा १८ जनाको मृृत्यु
श्रावण ९, २०८१त्रिभुवन विमानस्थलमा सौर्यको जहाज दुर्घटना
श्रावण ९, २०८१