स्पेनिस लिग लिडर बार्सिलोनाले इटालियन सिरी ए क्लब इन्टर मिलानका लौटेरो मार्टिजेन भित्र्याउने चर्चा चलिरहेको बेला इन्टरले भने मेस्सीलाई भित्र्याउन चाहेको बताएको छ ।

क्लबका पूर्व टेक्निकल डाइरेक्टर मार्काे ब्रान्काले इन्टरले मेस्सीलाई २००८ देखि नै क्लब इटाली लाने प्रयास गरेको बताएका छन् ।

सर्वाधिक ६ वालोन डि’ओर विजेता ३२ वर्षिय अर्जेन्टाइन स्टारलाई २१ वर्षकै छँदा इन्टरले सम्भावित क्लब भित्र्याउने प्रयास गरेको मार्काेले खुलासा गरेका छन् ।

आफ्नो पुस्ताका सर्वाधिक सफल खेलाडीलाई इन्टरले तलब बढाएरै आकर्षक अफर गरेको तर पैसा भन्दा पनि क्याम्प नाउ मै खुसी रहेको भन्दै मेस्सीले इन्कार गरेका थिए ।

अहिले बार्सिलोनाले इन्टारकै मार्टिनेज भित्र्याउने जोड गरिरहेको छ । २२ वर्षिय अर्जेटाइन टिममेट मार्टिनेजलाई क्याम्प नाउमा उतार्न मेस्सीले पनि जोड गरिरहेको चर्चा चलिरहेको छ ।