नेपालमा कोरोना संक्रमितको संख्या ४ सय ५७ पुगेको छ । स्वास्थ्य तथा जनसंख्याले बिहीबार राति दिएको जानकारीअनुसार थप ३ जनामा कोरोना संक्रमित फेला परेको जनाएको हो । थप ३ सँगै नेपालमा कुल संक्रमित संख्या ४ सय ५७ पुगेको हो ।

जसमा भेरी अस्पताल नेपालगञ्ज र प्रादेशिक जनस्वास्थ्य प्रयोगशाला रुपन्देहीमा गरिएको परीक्षणमा थप ३ मा कोरोनाको संक्रमण पुष्टि भएको जनाइएको छ । संक्रमित हुनेमा बाँके नरैनापुर–३ निवासी ३२ वर्षीय पुरुष, खजुरा ३ निवासी ४२ वर्षीय महिला र कपिलबस्तु शुद्दोदन गाउँपालिका निवासी १९ वर्षीय पुरुष छन् ।

मन्त्रालयका अनुसार त्यसअघि बिहीबार दिउँसो ९ जना नयाँ संक्रमित थपिएको जनाइएके थियो । जसमा रुपन्देहीका १, झापाका ८ पुरुषहरु हुन् । उनीहरु सबै क्वारेन्टाइन बसेका थिए।

त्यसअघि, वीपी कोइराला स्वास्थ्य विज्ञान प्रतिष्ठिान, धरान र प्रादेशिक जनस्वास्थ्य प्रयोगशाला, विराटनगरमा गरिएको परीक्षणमा नयाँ संक्रमण पुष्टि भएको थियो ।

मन्त्रालयका अनुसार, झापाको कचनकवल गाउँपालिका–३, ६ र ८ का १८, १८, १९,१९, २२, २३,२३, २५, २६, २६, २८, ३०,३२,३७ र ४६ वर्षीय पुरुषहरूमा संक्रमण पुष्टि भएको हो ।
यस्तै, धनकुटाका ३४ वर्षीय पुरुष, सुनसरीको धरान उपमहानगरपालिकाकी ५१ वर्षीया महिना संक्रमित भएकी हुन् ।

हालसम्म कोरोनाबाट ३ जनाको मृत्यु भएको छ । यस्तै ४९ जना निको भई घर फर्केका छन् ।