स्याङजा । कोरोना भाइरस संक्रमण बिरुद्धको अग्रपंक्तिमा खटिईने सुरक्षाकर्मी र स्वास्थ्यकर्मीलाई लक्षित गर्दै खिलुङ कालिका एग्रो फार्म र खुमा अर्याल फाउन्डेसन स्याङ्जाले ७० वटा पीपीई, एक सय वटा के.एन.नाइन्टीफाईभ माक्स, र २५ लिटर हाइपोकोरोराइड सोलुसन प्रदान गरेको छ ।

विश्वभर महामारीको रुपमा फैलिरहेको कोरोना भाइरस संक्रमणलाई न्यूनीकरण गर्ने उद्देश्यले स्याङ्जाको सुरक्षार्थ खटिएका स्वास्थ्यकर्मी, सुरक्षाकर्मी र कर्मचारीहरुलाई लक्षित गर्दै अत्यावश्यक स्वास्थ्य सामाग्री उपलब्ध गराएको हो ।

ती सामाग्री प्रमुख जिल्ला अधिकारी रामबहादुर कुरुम्वाङलाई हस्तान्तरण गर्दै खिलुङ कालिका एग्रोफार्मका निर्देशक एवं फाउन्डेसन सदस्य शोभाकान्त ढकालले व्यवसायिका पीडा र समस्या आफनो ठाउँमा रहेता पनि समस्यामा परेका बेला सहयोगका हात फैलाउन तयार रहेको बताए ।सामाग्री ग्रहण गर्दे प्रजिअ कुरुम्वाङले जिल्लाले स्वास्थ्य सामाग्री अभाव झेलिरहेका बेला एग्रोफर्म र फाउण्डेशनको सहयोगले राहत मिलेको बताए ।