लेखनाथ । बेगनास र रुपाताल क्षेत्रका करिब ४ सय जना गरीब तथा सिमान्तकृत आदिवासी समुदायलाई बुधबार राहत वितरण गरिएको छ ।
सामाजिक विकासमा सक्रिय विकास बेल्जियम संस्थाको सहयोगमा पोखरा वडा ३१ कार्यालय र रुपागाउँपालिकाले करिब ८ लाख रुपैयाँ बराबरको राहत बाँडेको हो ।
सो क्षेत्रमा रहेका १ सय जना परिवार जलारी सहित स्थानीय मुस्लिम, दलित र ज्यालादारी मजदुरका लागि उक्त राहत बाँडिएको हो । यहाँका धेरैजसो रैथाने स्थानीयवासी आफ्नो जीवनयापनका लागि धेरैजसो प्राकृतिक स्रोतसाधनमा निर्भर रहने गरेका छन् । पछिल्लो समय जलवायु परिवर्तन र तीव्र भौतिक निर्माण तथा शहरीकरणले उनिहरुको जीविका पनि प्रभावित भइरहेको भन्दै यस्ता समुदायलाई राहतका लागि विशेष प्राथमिकता दिइएको विकास बेल्जियम सम्बद्ध उक्त राहत वितरण कार्यक्रम संयोजक पदमराज पौडेलले बताए ।
सो अवसरमा प्रतिनिधिसभा सदस्य खगराज अधिकारीले स्थानीय विपन्न, गरीब तथा आदिवासी समुदायको अवस्थाप्रति सधैँ चनाखो र गम्भीर बन्न यस्ता कार्यक्रमले स्थानीय सरकारलाई समेत प्रेरणा प्रदान गर्ने बताए ।
राहत स्वरुप एक बोरा चामल, दाल, सोयाबिन, सावुन, तेल र नून लगायत सामग्री प्रदान गरिएको थियो । परिवारको संख्या र आर्थिक अवस्था आधारमा अहिले निर्धारित लकडाउन समय अवधि धान्ने गरी उक्त राहत बाँडिएको वडा ३१ का वडाध्यक्ष कमलबहादुर थापाले बताए ।
कार्यक्रममा रुपा गाउँपालिका प्रमुख नवराज ओझा, पूर्व एसएसपी राजेन्द्र ढकाल लगायत सामाजिक कार्यकर्ता खड्गबहादुर केसी, सन्तोष भूर्तेल, अनिल पन्थी, धु्रव पन्थी, अपूर्ण ढकाल लगायत अन्य सरोकारवालाको सहभागिता रहेको थियो ।
Related News
सम्बन्धित समाचार
पामेका अनधिकृत संरचनामा महानगरको डोजर
पोखरामा धुवाँको कालो मुस्लो फ्याक्ने ११ गाडी नियन्त्रण
स्वास्थ्य संस्थाहरूमा किशोरकिशोरीमैत्री सेवा र पहुँच आवश्यक छ : प्रमुख आचार्य
पाेखरामा कालो धुँवा फाल्ने गाडीका चालक कारवाहीमा
श्रमको सम्मान नगर्नेहरू असभ्य: मुख्यमन्त्री
hero news full width
मुख्य समाचार
संविधान मिचेर मुख्यमन्त्रीलाई बहुमत, कांग्रेस सर्वोच्च जाने
भलिबलमा अटल हिमाल
वैशाख २३, २०८१गण्डकीमा सभामुखले संविधान मिचेको कांग्रेसको आरोप
वैशाख २३, २०८१गण्डकीमा ३० सिटलाई बहुमत, मुख्यमन्त्रीमा खगराजको निरन्तरता, सभामुखलाई कांग्रेसले देखायो कालो झन्डा
वैशाख २३, २०८१गण्डकी प्रदेश सभाको बैठक ३० मिनेटका लागि स्थगित
वैशाख २३, २०८१मुलुकमा राजनीतिक अस्थिरताको जड नै माओवादी : कांग्रेस संसदीय दलका नेता पाण्डे
वैशाख २३, २०८१