पोखरा । गण्डकी प्रदेशसभा सांसद इन्द्रधारा बिष्टलाई लाग्थ्यो, कोरोना त घोडा चढेर नेपाल छिर्ला । चीनको वुहान प्रान्तमा कोरोना भाइरसको संक्रमण बढ्न थालेपछि उपल्लो सीमानामा पर्ने मुस्ताङलाई निकै डर थियो । त्यसैले कोरोनाको संक्रमण अन्यत्र डुल्न नपाउँदै उनीहरुले सीमाना पूर्ण प्रतिबन्ध लगाए । उनीहरुलाई लागेको थियो सीमामा भएपछि आफ्नो आवतजावत भैरहने चीनबाट घोडा चढेरै मुस्ताङ झर्छ कोरोना । तर त्यस्तो भएन, कोरोना जेट प्लेन चढेर विश्व घुमिवरी बल्ल नेपाल भित्रियो ।
सांसद विष्टसँग गरिएको कुराकानीको सम्पादित अंशः
चैत ११ गतेदेखि लकडाउन भयो । मेरो चुनाव क्षेत्र उपल्लो मुस्ताङको पूरै क्षेत्र पर्छ । त्यहाँका नागरिकहरु हिउँदे जाडो छल्न बेंशी झर्छन् । फिरन्ते रुपमा उनीहरु घुम्ती ब्यापार गर्छन् भने विद्यार्थीहरुलाई पोखरा र काठमाण्डौंका विभिन्न ठाउँमा घुम्ती स्कुल बनाएर पढाईन्छ । लकडाउन भनेको के हो भन्ने पनि थाहा थिएन । नेपाल बन्द जस्तो सोच्यौं । एकदुई दिनमा खुल्छ अनि फर्किउँला भन्ने सोच थियो । चैतको पहिलो साता उपल्लो मुस्ताङमा ठूलो हिउँ परेको कारण फर्किन सकेनन् ।
१३ गते नै फर्किने प्रयास गरेको हो । महिनौ दिनसम्म लकडाउन होला भन्ने अनुमान गरेर फर्काउन लागें । ३ वटा बसमा ७५ जनालाई राखेर पठाएँ । तर नयाँपुलबाट फर्काइदिए । मेरो एक्लो प्रयास मात्र थियो । धेरै साथीहरुले असहमति जनाउनुभयो । विपक्षी साथीहरुले विरोध गर्ने त भैहाल्यो । मेरै साथीहरुले पनि रोक्ने प्रयास गर्नुभो । राजनीतिक रुपमा लिनुभो । गाउँमा पुगिसकेकाहरुले पनि नयाँ मान्छे भित्रिन नदिने भए ।
अहिले पछिल्लो क्रममा सबैको सहमतिबाट फर्कायौं । ३८ वटा बस, १५ वटा जीप र ५ वटा मोटरसाईकलमा १ हजार ३ सय २७ जनालाई फर्काउन सफल भयौं । ४ दिनसम्म लगाएर उनीहरु फर्किएका हुन् । माथील्लो र तल्लो दुवै क्षेत्रका थिए । जाडो छल्न २५ सय हाराहारीमा झर्छन् । केहीले पहिले नै खेत रोप्ने भएकोले पहिले नै गए । नत्र सबै यहीँ अड्किन्थे । वहाँहरु यहाँ हुँदा कोठा भाडामा लिएर बस्छन् ।
प्रदेश सरकारले गाउँपालिकामा ५ लाख पठाएको रहेछ । गाउँपालिकामा पुगेको पैसा मैले माग्दा दिने कुरै भएन । सरकारसँग पुनः समन्वय गरेर ३ सय ४९ जनालाई राहत उपलब्ध गराएँ । अध्ययनरत विद्यार्थी २ सय ९४ जना थिए । १ लाखको राहत किनेर उनीहरुलाई वितरण गर्यौं । उपल्लो मुस्ताङका मेडिकल पढेकाहरुलाई हातमा लिएर सबै मुस्ताङीको स्वास्थ्य परीक्षण पनि गरायौं । श्वास प्रश्वास र अन्य स्वास्थ्य जाँच गरायौं । ५ सय १५ जनाको चेकजाँच गराउँदा खासै ठूलो समस्या देखिएन । कोरोना संक्रमण नभएपछि ढुक्क भयौं ।
चाइनाको वुहान प्रान्तबाट कोरोना फैलियो । यो तिब्बतभन्दा धेरै पर रहेछ । तिब्बत मात्रै मुस्ताङसँग जोडिन्छ । हाम्रो आवतजावत हुने तल्लो तिब्बतबाट मात्रै हो । तिब्बतमा कोरोनाको कुनै समस्या देखिएन । अझ हिउँदको समयमा हिउँ धेरै पर्ने भएकोले तिब्बतसँग हाम्रो मुभमेण्ट खासै भएन । यो समयमा हाम्रो नाका तुरुन्तै बन्द ग¥यौं । जसका कारण उत्तरबाट छिर्न सकेन । चीनमा धेरै भिजिटर जाने भएकोले पश्चिमा राष्ट्रहरुमा धेरै छिटो पुग्यो । हाम्रो आवतजावत हुने मुख्यगरी घोडा खच्चड र गाडीहरु नै हो । नाका बन्द भएपछि घोडा चढेर आउने अनुमान गरिएको कोरोना जहाज चढेर विश्व घुमेपछि नेपाल भित्रियो । उतिबेलै हामीले दक्षिणी नाका पनि रोकेको भए नेपालमा कुनै संक्रमण नदेखिने रहेछ ।
लकडाउनका कारण सबैजना घरमै थिए । ३३ दिनसम्म घरमा बसेपछि उनीहरुमा कोरोनाको कुनै संकेत थिएन । गाउँघरमा लकडाउन नामको मात्रै हो । शहरमा कार्ड नभएको मान्छे बाहिर निस्किने कुरै भएन । यहाँबाट पठाएकाहरु सबै सुरक्षित छन् । त्यसमाथी जिल्लाबाहिरबाट फर्किएकाहरुलाई छिर्न दिएपनि होम क्वारेन्टाइनमा बस्नुपर्ने निर्णय छ । उनीहरु सबैजना होम क्वारेन्टाइनमा छन् । त्यसपछि निस्किएर खेतीपातीमा लाग्छन् ।
पुगिसकेकाहरुले खेती गरिसके । चैतको पहिलो सातादेखि खेती गर्ने समय हो । हामी धेरै ढिलो भैसकेका छौं । तर जग्गा बाँझो त हुँदैन । तर असोजसम्म हिउँ पर्नु हुँदैन । यदी हिउँ पर्यो भने खेती सबै नास हुन्छ । मुस्ताङमा सुरुमा गहुँ, फाँपर, केराउ, तोरी, आलु र तरकारी खेती पनि गरिन्छ । हाम्रो मुख्य आयश्रोत भनेको पर्यटन हो । त्यसपछि खेतीकिसानी हो । टुरिजम त जीरो नै भयो । खेती पनि यसपाली राम्रो हुने सम्भावना छैन । १५ दिन हामी ढिलो भएका छौं । तल्लो क्षेत्रमा खासै समस्या छैन । टुरिजम त दयनिय नै भयो । आफ्नो क्षमताले आश्रितहरुलाई खासै समस्या नहोला तर लोन लिएर ब्यवसाय गरेकाहरु उँभो लाग्दैनन् । सरकारले राहत दिनुपर्छ ।
हात बाँधेर बसेका छन् सबै । सरकारले ध्यान दिनुपर्छ । गाईड, पोर्टर गरेर परिवार पाल्नेलाई पनि बर्षौंदिन पुग्ने गरी केही ब्यवस्था हुनुपर्छ । संक्रमित १०० पुगेपनि केही हुन्न तर मृत्यु जीरोमै रोक्नुपर्छ । यति गर्न सकियो भने यो बर्ष लागेको घाटा अर्को बर्ष ब्याज सहित लिन सकिन्छ । हाम्रो पूर्व तयारी खासै राम्रो छैन । आइपर्यो भने दौडिने तर सुरुमै ध्यान दिएको पाइएन । प्रदेश सरकारले बाँडेको राहतमा पनि प्रदेश सांसदको सहाभागिता भएन । यो राम्रो होईन । स्थानीय तहको प्रतिनिधिभन्दा केही हदसम्म प्रदेश सांसदहरु नै माथी छन् । सरकारले आफ्नै औचित्य पुष्टी गर्नबाट चुकेको छ । कति स्थानीय तहमा विपक्षीहरुले नै चलाएका छन् । प्रदेश सरकारको नाम पनि आएन । हाम्रो यसमा विमति छ ।
यो समय भनेको मानवता हेरौं । राजनीतिक स्वार्थ छोडौं । अर्को चुनावको लागि अवसर खोजियो भने राम्रो हुँदैन । अवसर खोज्ने होईन, दायित्व पूरा गर्ने समय हो । संक्रमण काललाई पार लगाउने बिषयमा मात्रै सोचौं । कुर्ची होईन, कोरोना भाइरस हाम्रो मनमस्तिष्कमा रहनुपर्छ ।
Related News
सम्बन्धित समाचार
गण्डकीमा सभामुखले संविधान मिचेको कांग्रेसको आरोप
गण्डकीमा ३० सिटलाई बहुमत, मुख्यमन्त्रीमा खगराजको निरन्तरता, सभामुखलाई कांग्रेसले देखायो कालो झन्डा
गण्डकी प्रदेश सभाको बैठक ३० मिनेटका लागि स्थगित
मुलुकमा राजनीतिक अस्थिरताको जड नै माओवादी : कांग्रेस संसदीय दलका नेता पाण्डे
प्रदेश विघटन हुन जोगाउने जिम्मा सभामुखको हो : माओवादी नेता चुमान
hero news full width
मुख्य समाचार
मुख्यमन्त्रीलाई विश्वासको मत दिन सकिन्न ः पञ्चराम गुरुङ
मुख्यमन्त्री अधिकारीले पेस गरे विश्वासका लागि प्रस्ताव, छलफल सुरु
वैशाख २३, २०८१गण्डकी प्रदेश सभाको बैठक सुरु, विश्वासको मतका लागि प्रस्ताव पेस गर्दै मुख्यमन्त्री अधिकारी
वैशाख २३, २०८१मुख्यमन्त्रीले आज विश्वासको मत लिने, मन्त्रालय टुंग्याउन माओवादीको माग
वैशाख २३, २०८१पोखरा देशभरकै प्रदूषित सहर
वैशाख २३, २०८१पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
वैशाख २२, २०८१