इटलीमा हुने रोड साइक्लिङ च्याम्पियनसीप एक वर्र्षपछि धकेलिएको छ ।

कोरोना भाइरसको महामारीको कारण इटालीमा हुने भनिएको युरोपियन रोड साइक्लिङ च्याम्पियनसीप एक वर्षका लागि पछि सरेको हो । आगामी सेप्टेम्बरको ९ देखि १३ सम्म इटालीको ट्रेनटिनो प्रदेशमा हुने तय भएको च्याम्पियनसीप २०२१ का लागि सारिएको हो ।

कोरोना महामारीलाई मध्यनजर गर्दै सबै पक्षसँगको छलफलपछि च्याम्पियसीप स्थगित गरेको युरोपियन साइक्लिङ युनियन युइसीले जनाएको छ । स्थगित च्याम्पियनसीप सेप्टेम्बर १ देखि ५ वा ८ देखि १२ मा गरिने युनियनले जनाएको छ । अबको केही महिनामा सन् २०२१ को क्यालेन्डर सार्वजनिक गर्ने युइसीले जनाएको छ ।