पेरिस सेन्ट जर्मन (पीएसजी) लाई लिग कमिटीले फ्रेन्च लिग वानको च्याम्पियन घोषणा गरिको छ ।

फ्रान्स सरकारले सेप्टेम्बरसम्म कुनैपनि खेलकुद गतिविधि नगर्न आग्रह गरेपछि लिग वान स्थगित गरिएको थियो । प्रतियोगिता स्थगित भएको २ दिनपछि लिग कमिटीले पीएसजीलाई च्याम्पियन घोषित गरेको हो ।

लिग वानका २८ औं चरणका खेल जारी रहँदा लिग स्थगित भएको थियो । लिगमा पीएसजी अंक तालिकाको शीर्ष स्थानमा भएकाले च्याम्पियन घोषणा गरेको जनाइएको छ । यससँगै पीएसजीले ८ वर्षको अवधिमा सातौंपटक उपाधिमाथि कब्जा जमाएको छ ।

एक खेल कम खेलेको पहिलो स्थानको पीएसजीले भने अझै ११ खेल खेल्न बाँकी थियो । पीएसजी दोस्रो स्थानको मार्सेलभन्दा १२ अंकले अघि छ ।

मार्सेलको ५६ अंक रहँदा तेस्रो स्थानमा रेनेस र चौथोमा लिले थिए । यस्तै, लिग कमिटीले लिगको तल्लो दुई क्लब टुलुज र एमिएन्सलाई लिग टुमा घटुवा गरेको छ । लेनस् र लोरिएन्ट भने लिग वानमा उक्लिएको छ ।