स्वास्थ्य तथा जनसंख्या मन्त्रालय थप दुई जनामा कोरोना भाइरस (कोभिड १९)को संक्रमण देखिएको जनाएकाे छ।

मंगलबार मन्त्रालयले आयोजना गरेको नियमित मिडिया ब्रिफिङका क्रममा प्रवक्ता डा विकास देवकोटाले रौतहटमा थप दुई जनामा कोरोना भाइरस (कोभिड १९)को संक्रमण देखिएको बताएका हुन्।

राष्ट्रिय जनस्वास्थ्य प्रयोगशाला, टेकुमा परीक्षण गर्दा २४ वर्षीय पुरुष र ३५ वर्षीय पुरुषमा कोरोना संक्रमण देखिएको हो। दुबैजनालाइ उपचारका लागि नारायणी अस्पताल लगिएको जनाइएकाे छ ।

याे सँगै नेपालमा काेराना संक्रमितकाे संख्या संख्या ५४ पुगेको छ। कोरोना संक्रमितमध्ये १६ जना निको भइसकेका छन् ।