न्यूयोर्क, ११ वैशाख । अमेरिकाको न्युयोक स्थित ब्रंक्स चिडियाघरमा यसै अप्रिल महिनाको सुरुवातमा एक मलाएन बाघमा कोरोना संक्रमण भएको थियो। हाल सोही चिडियाघरका थप चार बाघ र तीन अफ्रिकन सिंहमा कोरोनाको संक्रमण पुष्टि भएको अमेरिकाको वाइल्डलाइफ कन्जर्भेसन सोसाइटीले जानकारी दिएको छ।

बाघ र सिंहमा कोरोनाको लक्षण देखिन थालेपछि परीक्षण भएको थियो। नयाँ संक्रमित चार बाघमध्ये एक बाघमा भने कोरोनाको लक्षण देखिएको थिएन। चिडियाघरका कर्मचारीमा कोरोनाको संक्रमण भएपछि उनीबाटै जनावरमा कोरोना फैलिएको सीएनएनले जनाएको छ।