कोरोना महामारी नियन्त्रण नहुँदै युरोपियन फुटबल महासंघ (युइएफए) ले आन्तरिक रुपमा च्याम्पियन्स लिगको तालिका बनाएको समाचार छ ।

द सनले समाचारजनाएअनुसार युइएफएले युरोपियन प्रतियोगता चाँडै सुचारु गर्ने लक्ष्य बनाएको हो । जसमा अन्तिम १६ को दोस्रो लेगमा युभेन्टस र ओलम्पिक लियोन तथा म्यानचेस्टर सिटी र रियाल मड्रिडको खेल अगष्ट ७ तारिखमा राखेको छ ।

यस्तै, बार्यन म्युनिख र चेल्सी तथा बार्सिलोना र नापोलीको खेल अगष्ट ८ तारिखको लागि तय गरिएको जनाएको छ । अन्तिम १६ को पहिलो लेगमा बार्सिलोनाले नापोलीसँग १–१ गोलको बराबरी खेलेको थियो । म्यानचेस्टर सिटी रियालसँग २–१ ले विजयी बनेको थियो ।