इङ्ल्याण्ड फुटबलका पूर्व कप्तान डेभिड बेकह्यामले रोनाल्डो भन्दा मेस्सी नै उत्कृष्ट फुटबलर रहेको आफ्नो धारणा राखेका छन् ।

हालको फुटबल जगतमा दुई फुटबल सुपर स्टार अर्जेन्टिनी लियोनेल मेस्सी र पोर्चुगिज क्रिस्टियानो रोनाल्डोमध्ये को उत्कृष्ट भन्ने बहसमा भाग लिएका बेकह्यामले यस्तो आफ्नो धारणलाई यसरी राखेका हुन् ।

उनी भन्छन्, ‘मेस्सीको स्तरका उनी एक्लो खेलाडी हुन् । उनको ठाँउ अर्को खेलाडीलाई पुग्न असम्भव छ । एउटा खेलाडीका रुपमा उनी जस्तो अर्को कोही छैन ।’

बेकह्यामले आफूलाई रोनाल्डो पनि मन पर्ने बताए । उनले भने, ‘मलाई रोनाल्डो पनि मन पर्छ । यी दुईमा क्षमताका आधारमा केही समानता पनि छ । यी दुई खेलाडी एकै समय फुटबलमा रहनु अद्भुत हो । तर, मेस्सी विश्वकै उत्कृष्ट खेलाडी हुन् ।’

फुटबल मैदानमा रोनाल्डो र बेकह्यामको भेट भएको छैन । बेकह्याम र रोनाल्डो दुबै इङ्लिसि प्रिमियरसीप क्लब म्यानचेस्टर युनाइटेड र स्पेनिस ला लिगा क्लब रियल मड्रिडका खेलाडी हुन् ।

यद्यपि, मेस्सीसँग भने उनले मैदानमा भिडेका छन् । पेरिस सेन्ट जर्मेन (पीएसजी) बाट खेल्दा बेकहमले सन् २०१३ मा बार्सिलोनका सुपरस्टार मेस्सीविरुद्ध खेलेका थिए ।