नेपालको महिला भलिबल टोली घरेलु भूमिमा जारी १३ औं दक्षिण एसियाली खेलकुद प्रतियोगिता (साग) अन्तर्गत महिला भलिबलको फाइनलमा प्रवेश गरेको छ। त्रिपुरेश्वरस्थित राखेप कभर्डहलमा शनिबार भएको दोस्रो सेमिफाइनलमा श्रीलंकालाई ३–० को सोझो सेटमा पराजित गर्दै नेपाल स्वर्ण नजिक पुगेको हो।
नेपालले श्रीलंकामाथि २५–१४, २५–१८ र २५–२१ को जित निकाल्यो। श्रीलंकालाई हराएसँगै नेपालले ऐतिहासिक रजत पदक पाउने पक्का भएको छ। नेपालले अहिलेसम्म सागमा कास्य पदक मात्र जितेको छ। अब नेपालले स्वर्णको लागि भारतसँग खेल्नेछ।
भारत पहिलो सेमिफाइनलमा माल्दिभ्सलाई ३–० को सेटमा हराएर फाइनल पुगिसकेको छ। त्रिपुरेश्वरस्थित राखेप कभर्डहलमा शनिबार भएको पहिलो सेमिफाइनलमा माल्दिभ्सलाई ३–० को सोझो सेटमा पराजित गर्दै भारत स्वर्ण नजिक पुगेको हो। भारतले माल्दिभ्समाथि २५–१४, २५–१६ र २५–१७ को जित निकाल्यो।
पाकिस्तान सेमिफाइनलमा
पाकिस्तान १३ औं दक्षिण एसियाली खेलकुद प्रतियोगिता (साग) अन्तर्गत पुरुष भलिबलको समूह विजेता बन्दै सेमिफाइनलमा प्रवेश गरेको छ। त्रिपुरेश्वरस्थित राखेप कभर्डहलमा शनिबार समूह चरणको अन्तिम खेलमा श्रीलंकालाई ३–१ को सेटमा पराजित गर्दै पाकिस्तान समूह विजेता बन्दै सेमिफाइनलमा पुगेको हो।
पाकिस्तानले सुरुवाती सेट गुमाएपनि उत्कृष्ट पुनरागमन गरेको थियो। पहिलो सेट ३०–२८ ले गुमाएको पाकिस्तानले त्यसपछिको तीन सेटमा लगातार जित निकाल्यो।
पाकिस्तानले दोस्रो सेटमा २५–१८, तेस्रो २५–२० र अन्तिम सेट २५–२१ ले जितेको थियो। जितसँगै पाकिस्तानले समूह ‘बी’ बाट २ खेलमा ४ अंक जोड्यो। श्रीलंकाले २ खेलमा २ अंक जोड्यो। श्रीलंका उपविजेता बन्दै अन्तिम चारमा पुगेको छ। यस समूहबाट दुवै खेल गुमाएको माल्दिभ्स बाहिरिएको छ।
अब, पाकिस्तानले सेमिफाइनलआम समूह ‘ए’ को उपविजेता बंगलादेशसँग खेल्नेछ। यस्तै श्रीलंकाले समूह ‘ए’ को विजेता भारतसँग खेल्नेछ। पुरुष भलिबलको सेमिफाइनल खेल आइतबार हुनेछ। पुरुष भलिबलमा आयोजक नेपाल समूह चरणबाटै बाहिरिसकेको छ।
Related News
सम्बन्धित समाचार
पोखराको गन्नीलाई रनिङ सिल्ड
लमजुङमा दोस्रो कोरा साइकल दौड
ईश्वर बने चेस च्याम्पियन
यु–२० चेसमा १०५ खेलाडी
सेभेन ए साइड फुटबल जारी
hero news full width
मुख्य समाचार
गायक तथा गीतकार एलपी जोशी रहेनन्
आज मौद्रिक नीति सार्वजनिक हुँदै
श्रावण ११, २०८१लीलादेवी बनिन् पहिलो महिला मुख्यसचिव
श्रावण १०, २०८१राइड सेयरिङविरुद्ध पोखराका यातायात व्यवसायीको आन्दोलन
श्रावण १०, २०८१जहाज सि चेकका लागि पोखरा आउँदै थियो
श्रावण ९, २०८१कन्टेनरमा बजारिएर दुई टुक्रा भयो, अनि आगो लाग्यो
श्रावण ९, २०८१