पाँचौं सिस्टेनी मेला शुरु

आदर्श समाज सम्वाददाता
वैशाख १, २०७६
mela mahotsav

लेखनाथ, ३० चैत। रुपा युवा क्लब पोखरा–३२ को आयोजनामा पाँचौं सिस्टेनी मेला शुक्रबार शुरु भएको छ।

स्थानीय पृथ्वीरुपा मावि प्राङ्गणमा आयोजित मेलाको शुभारम्भ गर्दै रुपा गाउँपालिका अध्यक्ष नवराज ओझाले क्लबले आयोजना गरेको मेलाले लोप हुन लागेको कला संस्कृति जगेर्ना गर्नुको साथै युवामा खेल संस्कृतिको विकास गराउने काम गरेकोमा प्रशंसा गरे। ओझाले क्लबलाई विभिन्न सामाजिक कामहरुमा हातेमालो गर्न आग्रह गर्दै यसमा गाउँपालिकाको तर्फबाट आफूले सक्दो सहयोग गर्ने बताए।

क्लबका अभ्यक्ष नमराज खड्काको अध्यक्षतामा सम्पन्न भएको कार्यक्रममा मेलाका निदेर्शक धीरजकुमार श्रेष्ठ, आमा समूहतर्फबाट उर्मिला सापकोटा र बसुन्धरी अधिकारी, सल्लाहकारको तर्फबाट गोविन्दप्रसाद पंगेनी, पृथ्वी रुपा माविका व्यवस्थापन समिति अध्यक्ष भद्रबहादुर सुयल, रुपाकोट पोखरा सम्पर्क मञ्चका अध्यक्ष तिलबहादुर खड्का, वडास्तरीय वाल क्लब अध्यक्ष सीमा थापा क्षेत्री लगायतले बोलेका थिए।

जुनियर खुला भलिबल प्रतियोगिताअन्तर्गत आयोजक रुपा युवा क्लब एलाई आराधाना युवा क्लब पोखरा–३२ खुदीखोलाले हराउँदै विजयी शुरुवात गरेको छ। विजयी हुने टिमलाई ५० हजार र उपविजेतालार्य ३० हजारको साथमा शिल्ड, मेडल र प्रमाणपत्र दिइनेछ।

अनुशासित टिम र सवोर्त्कृष्ट खेलाडीलाई नगद १/१ हजारको साथमा ट्रफि र प्रमाणपत्र प्रदान गरिने मूल संयोजक सागर श्रेष्ठले जानकारी दिएका छन्।

मेलामा विभिन्न स्थानीय कलाकारहरुको साथमा विविध सांस्कृतिक कार्यक्रम पनि हुनेछ।

कार्यक्रममा स्वागत क्लब अध्यक्ष नमराज खड्काले गरेका थिए भने सञ्चालन सचिव अनिल पंगेनीले गरेका थिए।

Related News

सम्बन्धित समाचार

    • मेयर उम्मेदवार जोशीमाथि आक्रमण

      आदर्श समाज सम्वाददाता वैशाख ३०, २०७९
      पोखरा, ३० वैशाख । तनहुँको व्यास नगरपालिकाका मेयर उम्मेदवार दीपकराज जोशीमाथि कुटपिट गरिएको छ । शुक्रबार स्थानीय तह निर्वाचनमा मतदानस्थल…
    • प्रशासनको सेवा ४ दिन स्थगित

      रासस वैशाख २६, २०७९
      पर्वत । आसन्न स्थानीय तह निर्वाचनका लागि जिल्ला प्रशासन कार्यालयबाट प्रवाह हुने सेवा आजदेखि चारदिनका लागि बन्द गरिएको छ ।…
    • शिक्षकलाई कम्प्युटर तालिम

      आदर्श समाज सम्वाददाता वैशाख २६, २०७९
      हेमजा । माछापुच्छ्रे गाउँपालिकाको आयोजनामा पालिकाभरिका सामुदायिक विद्यालयमा कार्यरत शिक्षकका लागि १० दिने कम्प्युटर तालिम सम्पन्न भएको छ । कम्प्युटरमा…
    • पानी परे पनि रोकिएन घरदैलो

      रासस वैशाख २३, २०७९
      गण्डकी । निर्वाचनको मिति नजिकिँदै गर्दा पोखरा महानगरपालिकामा विभिन्न दलका उम्मेदवारले घरदैलोलाई तीव्र बनाएका छन् ।भौगोलिकरुपमा देशकै ठूलो नगरपालिका रहेका…
    • गण्डकीको आगामी बजेट : आयात रोक्ने, रोजगारी बढाउने

      आदर्श समाज सम्वाददाता वैशाख २३, २०७९
      पोखरा । आगामी आर्थिक वर्षको नीति तथा कार्यक्रम र बजेटमा जुटेको गण्डकी प्रदेश सरकारले राष्ट्रिय योजना आयोगको पूर्व उपाध्यक्षहरुसहित विज्ञसँग…

    hero news full width