वडा नं ३२ बालबालिका विद्यालय भर्ना वडा

आदर्श समाज सम्वाददाता
असाेज १५, २०७५

लेखनाथ, १४ असोज । पोखरा महानगरपालिका वडा नम्वर ३२ लाई सम्पूर्ण बालबालिका विद्यालय भर्ना भएको वडा घोषणा गरिएको छ ।

पोखरा महानगरपालिकाका कार्यबाहक प्रमुख मञ्जुदेवी गुरुङले एक कार्यक्रमकाबीच वडाका ५ देखि १२ वर्ष उमेर समूहका सम्पूर्ण बालबालिकाहरु विद्यालय भर्ना भएको घोषणा गरेकी हुन्।

वडाका ६ जना विद्यालय बाहिर रहेका बालबालिकालाई विद्यालय भर्ना गरी विद्यालयबाहिर नरहेको घोषणा गरिएको हो । घोषणासभामा कार्यबाहक प्रमुख गुरुङले विद्यालय ६ जना बालबालिकालाई शैक्षिक सामाग्री वितरण गरिन् ।

घोषणा कार्यक्रमपछि बोल्दै उप प्रमुख गुरुङ बालबालिकालाई विद्यालयमा भर्ना भएको घोषणा भन्दा उनीहरुलाई विद्यायमा टिकाउनु चुनौतीपूर्ण रहेको बताइन् । उनले भनिन्, ‘घोषणा ठूलो कुरा हैन्, यसको निरन्तरता चुनौतीपूर्ण छ । बालबालिकालाई विद्यालयमा टिकाउन सवैले जिम्मेवारी र दायित्व पुरा गर्नुपर्छ।

महानगरपालिकाका शैक्षिक प्रशासन महाशाखा प्रमुख हेमप्रसाद आचार्यले विद्यार्थीलाई विद्यालयमा टिकाई राख्न बालमैत्री कक्षाकोठा निर्माणमा जोड दिए । जनकल्याण सिकाई अध्ययन केन्द्रका अध्यक्ष टिकाराम पंगेनीले सिकाई केन्द्रले अनौपचारीक शिक्षामा ठूलो भुमिका खेलेको बताउदै बालबालिकालाई विद्यालयमा आउने वातावरण सृजना गर्नुपर्नेमा जोड दिए।

वडा नम्वर ३२ का वडा अध्यक्ष अक्कलबहादुर कार्कीको अध्यक्षतामा सम्पन्न कार्यक्रममा गोगन माध्यमिक विद्यालय विद्यालय ब्यवस्थापन समितिका अध्यक्ष मेघराज पौडेल, ब्रहृमारुपा माध्यमिक विद्यालयका प्रधानाध्यापक दुर्गालाल पण्डित र विष्णुप्रसाद तिवारीलगायतले बालबालिकालाई विद्यालयमा टिकाउन सवैको सहयोग र साथ चाहिने बताए ।

Related News

सम्बन्धित समाचार

  • स्पोर्टस् अवार्डलाई लगातार सहयोग

    आदर्श समाज सम्वाददाता चैत्र ७, २०७९
    पोखरा । पोखरा स्पोर्टस् अवार्डको सातौं संस्करणलाई पनि पोखरा रामबजारको पुन परिवारले साथ दिएको छ । सेनानी हेमबहादुर पुनको स्मृतिमा…
  • डिजिटल पेडागोजीसम्बन्धी कार्यशाला

    आदर्श समाज सम्वाददाता चैत्र ७, २०७९
    पोखरा । प्रविधि मैत्री शिक्षक समाज नेपाल गण्डकी प्रदेशले डिजीटल पेडागोजीसम्बन्धी कार्यशाला गरेको छ । शिक्षकका लागि प्रविधिमा पहुँचब पु¥याउन,…
  • दीपशिखा र ट्याग परियोजनाबीच सम्झौता

    आदर्श समाज सम्वाददाता चैत्र ७, २०७९
    पोखरा । दीपशिखा पुस्तकालय र ट्याग परियोजनाबीच सम्झौतापत्रमा हस्ताक्षर भएको छ । रिड नेपालअन्तर्गत टेक एज गल्र्स (ट्याग) ट्याग नेपाल…
  • संस्कार समाज नेपालद्वारा सम्मान

    आदर्श समाज सम्वाददाता चैत्र ५, २०७९
    पोखरा । संस्कार समाज नेपालको पाँचौ वार्षिकोत्सव अवसरमा ३ जना व्यक्तिलाई सम्मानित एवं पुरस्कृत गरियो । पोखरामा आयोजित कार्यक्रममा समाजसेवी…
  • प्रहरीले नागरिकसँग कस्तो व्यवहार गर्ने ?

    आदर्श समाज सम्वाददाता चैत्र ५, २०७९
    पोखरा । वडा प्रहरी कार्यालय बैदामका प्रहरी कर्मचारीलाई प्रभावशाली सञ्चार एवं सेवाग्राहीसँग गर्नुपर्ने व्यवहारसम्बन्धी अभिमुखीकरण भएको छ । वडा प्रहरी…

hero news full width