पोखरा ४, असोज। कृपालुजी महाराजकी कृपापात्र प्रचारिका श्रीश्वरी देवीको दार्शनिक प्रवचन पोखरामा बिहीबार सुरु भयो।

पोखरा-११, फूलबारी स्थित रामेश्वर मन्दिरमा आयोजित उक्त कार्यक्रम असोज १७ गतेसम्म सञ्चालन हुने जनाइएको छ।

कार्यक्रमको शुभारम्भको अवसरमा शुभकामना मन्तव्य राख्दै प्रमुख अतिथि संस्कृति पर्यटन तथा नागरिक उड्डयन मन्त्री रविन्द्र अधिकारीले सत्स·बाट नै सत्मार्ग प्राप्त गर्न सकिने बताए।

कृपालुजी महाराजको प्रवचन आफूले पनि सुन्ने गरेको उल्लेख गर्दै मन्त्री अधिकारीले श्रीश्वरीको प्रवचनबाट पनि धेरै भन्दा धेरै लाभान्वित हुन सक्ने धारणा राखे।

खुशी आफै भित्र छ, उनले भने-“ज्ञान र साधनाबाट नै आनन्द प्राप्त गर्न सकिन्छ”।

उनले रामेश्वर मन्दिरको पुनः निर्माण गर्न र राम्रो पार्क बनाउन सहयोग गर्ने प्रतिबद्धता व्यक्त गरे।

प्रदेश सभासद मीना गुरुङले सबैले आÇनै घरलाई पवित्र मन्दिर बनाउनु पर्नेमा जोड दिँदै पवित्र कार्यमा सहभागी हुन पाउनु अवसर भएको बताइन्।

कार्यक्रममा स्वागत मन्तव्य राख्दै डा. टुवराज शर्मा बास्तोलाले प्रवचन कार्यक्रममा नियमित सहभागी हुन सबैलाई आग्रह गरे।

त्यसअघि मन्दिरका अध्यक्ष वेदराज बास्तोलाले प्रमुख अतिथि, अतिथिलाई सम्मान गरेका थिए।

कार्यक्रमको सञ्चालन ऋषभ बास्तोलाले गरेका थिए।

सबैको लक्ष्य आनन्द प्राप्ति

कृपालुजी महाराजकी कृपापात्र प्रचारिका श्रीश्वर देवीले भगवान नै आनन्द हो र भागवत भक्तिबाट नै आनन्द प्राप्त हुने बताएकी छन्।

बिहीबार प्रवचन शुभारम्भ गर्दै उनले हामी को हौ, के चाहान्छौ र त्यसलाई कसरी प्राप्त गर्न सकिन्छ भन्ने तीन प्रश्न महत्वम्पूर्ण रहेको र आनन्द प्राप्त नै सबैको लक्ष्य रहेको बताइन्।

मानव देह दुर्लभ रहेको उल्लेख गर्दै उनले यस अवसरमा पनि ज्ञान लिन चुक्दा जन्म मरणको चक्करमा परिरहनु पर्ने बताइन्।