पोखरा । गण्डकी प्रदेशस्तरीय एसइई डान्स च्याम्पियनसिप उपाधि सृष्टि गुरुङले जितेकी छन् । यस्तै, प्रतिष्ठा कार्की दोस्रो र नीलकसना श्रेष्ठ तेस्रो भइन् । भ्यूअर्स च्याइसमा पूर्णिमा आले परिन् ।
बज्रयोगिनी डान्स एन्ड म्यूजिक एकेडेमी, कपनले एसइई दिएर बसेका विद्यार्थी लक्षित गरी पोखरामा शनिबार उक्त प्रतियोगिता गरेको थियो । विजयीलाई पुरस्कारसहित प्लस टुमा पूर्ण छात्रवृत्ति व्यवस्था गर्ने भएको छ ।
सो अवसरमा एकेडेमीले विभिन्न विधामा उल्लेख्य योगदान पु¥याएका ३ जनालाई सम्मान गरेको छ । सम्मानित हुनेमा आदर्श समाज राष्ट्रिय दैनिकका प्रधानसम्पादक एवं स्वतन्त्र पत्रकार संघ नेपालका केन्द्रीय अध्यक्ष कृष्णप्रसाद बास्तोला, कास्की मोर्डनाइज्ड एकेडेमीका प्राचार्य रामबहादुर मोची र वरिष्ठ नृत्य कलाकार बुद्धिप्रसाद गुरुङ (गौरी) छन् ।
आदर्श समाजका प्रधानसम्पादक बास्तोलासहित ३ जनालाई सम्मान
गण्डकी प्रज्ञा प्रतिष्ठानका कुलपति सूर्य खड्का ‘बिखर्ची’, शिक्षा विकास निर्देशनालय गण्डकीका नि. महानिर्देशक अम्बिकाप्रसाद आचार्यले उनीहरुलाई खादा, माला र सम्मानपत्र प्रदान गरेका थिए ।
त्यस अवसरमा प्रतिष्ठान कुलपति बिखर्चीले शारीरिक र मानसिक विकासका लागि नृत्य आवश्यक भएको उल्लेख गर्दै संसारलाई सिकाउने नेपाली नृत्य भएको बताए । विभागका नि. महानिर्देशक आचार्यले अब पढाइमा मात्र होइन, नृत्य लगायत जुनसुकै विधामा पनि उत्कृष्टता हासिल गरेर भविष्य उज्ज्वल बनाउन सकिने बताए । गण्डकी प्रज्ञा प्रतिष्ठानका उपकुलपति गोरे गुरुङले नृत्यलाई पाठ्यक्रममै समावेश गर्नुपर्नेमा जोड दिए ।
अध्यक्षको आसनबाट बज्रयोगिनी डान्स एन्ड म्यूजिक एकेडेमीका प्रमुख महेश गोदारले एकेडेमीले राम्रो नृत्य गरेर पनि छात्रवृत्ति प्राप्त गर्न सकिन्छ भन्ने मान्यता स्थापित गरेको बताए । उनले एकेडेमीकै माध्यमबाट हालसम्म १ सय ६ जनाले छात्रवृत्ति पाएको जानकारी दिए ।
नृत्य प्रतियोगिताको निर्णायकमा अमन तामाङ, लप्सन गुरुङ र सरिता दान्कुटी थिए । कार्यक्रम सञ्चालन सलिताज कुँवरले गरेकी थिइन् ।
Related News
सम्बन्धित समाचार
पत्रकार पोखरेल सम्मानित
रेवान पोखरामा विश्वराज
फिल्म ‘ईश्वर’ प्रदर्शन सुरु
कर्जा विस्तार हुनेगरी मौद्रिक नीति ल्यायौंः गभर्नर अधिकारी
बेनी–जोमसोम सडक अवरुद्ध
hero news full width
मुख्य समाचार
गायक तथा गीतकार एलपी जोशी रहेनन्
आज मौद्रिक नीति सार्वजनिक हुँदै
श्रावण ११, २०८१पोखराको गन्नीलाई रनिङ सिल्ड
श्रावण १०, २०८१लीलादेवी बनिन् पहिलो महिला मुख्यसचिव
श्रावण १०, २०८१राइड सेयरिङविरुद्ध पोखराका यातायात व्यवसायीको आन्दोलन
श्रावण १०, २०८१जहाज सि चेकका लागि पोखरा आउँदै थियो
श्रावण ९, २०८१