पोखरा पूर्ण खोप सुनिश्चितता दिगोपना घोषणा

आदर्श समाज सम्वाददाता
जेठ १७, २०८१
Pokhrara khop~

पोखरा । पोखरा महानगरपालिकालाई पूर्ण खोप सुनिश्चितता दिगोपना घोषणा गरिएको छ । महानगरमा जन्मदेखि ५९ महिनासम्मका २९ हजार ३ सय ११ बालबालिकालाई पूर्ण खोप लगाएको सुनिश्चितपछि नगर प्रमुख धनराज आचार्यले पूर्ण खोप सुनिश्चितता दिगोपना घोषणा गरेका हुन् ।

स्वास्थ्य सेवा विभाग अन्तर्गत स्वास्थ्य व्यवस्थापन सूचना प्रणालीका अनुसार पोखरा भित्रका जन्मदेखि ११ महिनासम्ममा ५ हजार ९ सय १३ बालबालिकाहरूलाई पेन्टा पहिलो र ९५ प्रतिशत बालबालिकाले दादुरा रुवेला दोस्रो खोप प्राप्त गरेका छन् । जन्मदेखि ५९ महिनासम्मका २९ हजार ३ सय ११ बालबालिकालाई घरमै पुगेर पूर्ण खोप लगाएको सुनिश्चित गरिएको छ ।

यसक्रममा खोपको कुनै पनि मात्रा प्राप्त नगरेका ४ जना र आंशिक खोप प्राप्त गरेका १ सय ३२ जना बालबालिकाहरू समेत नियमित खोप सेसन र आकस्मिक खोप सेसनमा समावेश गरी पूर्ण खोप प्रदान गरिएको छ । पोखरालाई पूर्ण खोप घोषणा गर्नुअघि यहाँका ३३ वटै वडामा पूर्ण खोप सुनिश्चितता गरिएको थियो । ८ सय ९० स्वास्थ्यकर्मी र ६ सय ५२ महिला सामुदायिक स्वास्थ्य स्वयंसेविकालाई घरधुरी सर्वेक्षणदेखि खोप लगाउने कार्यसम्म परिचालन गरिएको स्वास्थ्य महाशाखाले जनाएको छ ।

नगर प्रमुख आचार्यले बालबालिकाहरूको स्वास्थ्यका लागि खोप आवश्यक रहेको तथ्य मनन गर्न जरुरी रहेको बताए । उनले भने, ‘आफ्ना बालबालिबाहरुलाई लगाउनु पर्ने सबै प्रकारका खोपहरू नियमित लगाउने विषयमा सबै जानकार हुन जरुरी छ । खोप केवल औपचारिकता मात्र नभई यो बालबालिकाको सुरक्षित भविष्यसँग जोडिएको विषय हो ।’

जन्मदेखि ५९ महिनासम्मका २९३११ बालबालिकालाई घरमै पुगेर पूर्ण खोप लगाएको सुनिश्चित

पोखरा महानगरपालिका बालबालिकालाई आवश्यक सबै खोपहरू प्रदान गर्ने कार्यमा प्रतिबद्ध रहेको प्रमुख आचार्यले बताए । १ जना बालबालिकालाई १३ प्रकारका खोपहरू प्रदान गर्दा ६० हजार बराबर लगानी हुने गरेको उल्लेख गर्दै उनले यसको महत्वलाई बुझ्न आवश्यक रहेको बताए । उहाँले खोप लगाउन छुटेका बालबालिकाहरूलाई पत्ता लगाउने स्वास्थ्यकर्मी र स्वयमसेविकालाई प्रतिबच्चा हजार पुरस्कार दिने घोषणा समेत गरे ।

महानगरका प्रमुख प्रशासकीय अधिकृत श्यामकृष्ण थापाले पूर्वाधार जत्तिकै गुणस्तरीय शिक्षा र स्वास्थ्यको विकास पनि वास्तविक विकास हुने भन्दै विकास प्रतिको दृष्टिकोणमा व्यापकता आवश्यक रहेको बताए । मानव स्वास्थ्य र संसाधन दुवै सामाजिक विकासका आधार स्तम्भहरू भएको उनले बताए । सरकारका विभिन्न आवधिक योजनाहरूमा यसलाई महत्वका साथ उल्लेख गरेको पाइए पनि स्रोत र साधनको अभावमा कार्यान्वयनको पाटो कमजोर देखिएको उनले बताए ।

महानग। प्रवक्ता मोतीलाल तिम्सिनाले पूर्णखोप सुनिश्चितता स्वास्थ्य सम्बन्धी बालबालिकाहरूको संवैधानिक अधिकारको प्रत्याभूति भएको उल्लेख गरे । महानगरका सबै बालबालिकाहरूलाई खोप प्रदान गर्नु आफूहरूको जिम्मेवारी रहेको बताउँदै उनले यसका लागि महानगरपालिका प्रतिबद्ध रहेको बताए ।

पोखरा २ का वडाध्यक्ष दिवसमान प्रधानांगले बालबालिकाहरूलाई खोप लगाउने अभियानमा हातेमालो गर्न आह्वान गरे । स्वास्थ्य निर्देशनालय गण्डकीका निर्देशक खिमबहादुर खड्का, स्वास्थ्य कार्यालय कास्कीका प्रमुख रामबहादुर नेपाली, महिला स्वास्थ्य स्वयंसेविका सञ्जाल पोखरा संयोजक भीमा पौडेल, महानगरपालिकाका जनस्वास्थ्य अधिकृत फूलदेव तिमिल्सिना र जनस्वास्थ्य निरीक्षक एवं खोप अधिकृत तेजाखर लम्साल लगायतले बालस्वास्थ्य र खोपको प्रभावकारिता विषयमा प्रकाश पारेका थिए ।

Related News

सम्बन्धित समाचार

  • हेरालोले सिकायो कम्पोस्ट मल बनाउन

    आदर्श समाज सम्वाददाता असार ४, २०८१
    पोखरा । हेरालो प्रतिष्ठान कास्कीले अर्चलबोट आमा समूहमा आबद्ध महिलाहरुलाई कम्पोस्ट मल बनाउने सरल विधि सिकाउँदै फोहोरमैला व्यवस्थापनबारेमा अन्तर्राष्ट्रियसमेत गरेको…
  • भाषा संघको जापानी भाषा तालिम

    आदर्श समाज सम्वाददाता असार ४, २०८१
    पोखरा । भाषा संघ नेपाल (लान) को आयोजना छैटौं जापानी भाषा शिक्षक तालिम सम्पन्न भएको छ । तालिममा पोखरामा रहेका…
  • प्रादेशिक पुनर्स्थापना केन्द्र तत्काल सञ्चालन गर्न आग्रह

    आदर्श समाज सम्वाददाता असार ४, २०८१
    पोखरा । लैंगिक हिंसा व्यवपस्थापन सल्लाहकार समिति कास्कीको बैठक आइतबार सम्पन्न भएको छ । बैठकले लंैगिक हिंसा प्रभावितहरूको लागि अल्पकालीन…
  • भद्रकाली माविलाई फुटसल उपाधि

    आदर्श समाज सम्वाददाता असार ४, २०८१
    पोखरा । मदरल्यान्ड माविले आयोजना गरेको दोस्रो मदरल्यान्ड एसइई कप फुटसल प्रतियोगिताको उपाधि भद्रकाली माविले जितेको छ । भद्रकालीले फाइनलमा…
  • धर्मसभा कास्कीमा मोक्षनाथ

    आदर्श समाज सम्वाददाता असार ४, २०८१
    पोखरा । राष्ट्रिय धर्मसभा नेपाल जिल्ला कार्य समिति कास्कीको छैठौं अधिवेशनबाट मोक्षनाथ तिमिल्सिनाको अध्यक्षतामा २६ सदसीय कार्य समिति र सल्लाहकार…

hero news full width