पोखरा। गण्डकी प्रदेशका नवनियुक्त मुख्यमन्त्री सुरेन्द्रराज पाण्डेले कांग्रेसका बिन्दुकुमार थापा र डा टकराज गुरुङलाई लिएर सपथ लिएने भएका छन् ।  सर्वोच्चको परमादेश अनुसार नियुक्त भएका मुख्यमन्त्री पाण्डेले बुधबार  सभागृह हलमा आयोजित कार्यक्रममा  सपथ लिन लागेका हुन् ।

गुरुङले अर्थ र थापाले सामाजिक विकास तथा स्वास्थ्य मन्त्रालयको जिम्मा पाउने भएका छन् । थापा दोस्रोपटक प्रदेश मन्त्री हुन लागेका हुन् ।

गण्डकीमा कांग्रेसका २७, नेकपा एमालेका २२, माओवादी केन्द्रका सभामुखसहित ८, राप्रपाका २ र एक जना स्वतन्त्र सांसद छन् । ६० सदस्यीय प्रदेशसभामा बहुमत संख्या ३१ जना हुनुपर्छ ।