फिस्टेल एसइई कपमा क्वाटरफाइनल सकियो

आदर्श समाज सम्वाददाता
जेठ ८, २०८१
Fistail see cup

पोखरा । पोखरा १७ तल्लो बिरौटास्थित फिस्टेल एकेडेमी माविद्वारा आयोजित ‘फिस्टेल एसइई कप २०८१’ का क्वाटरफाइनलका खेलहरू मंगलबार सम्पन्न भएका छन् ।

मंगलबार भएको पहिलो खेलमा कालिका माविले ढुंगेसाँघुलाई ३–० गोल अन्तरले पराजित गरी सेमिफाइनलमा प्रवेश गरेको छ । यस्तै दोस्रो खेलमा शान्ति निकुञ्जले न्यु लेखनाथलाई १–० ले पराजित गर्‍यो भने भद्रकाली माविले पेनाल्टी सुट आउटमा लिटिल फ्लावरलाई पाखा लगायो । अन्तिम खेलमा मदरल्यान्ड माविले रेन्बोलाई ३–० ले पराजित गर्दै सेमिफाइनलमा प्रवेश गर्‍यो ।

छात्रातर्फको ३-३ बास्केटबलका लिग चरणका खेलहरू पनि मंगलबार नै सम्पन्न भए । जम्मा ६ समूह सहभागी भएको बास्केटबलमा फिस्टेल एकेडेमी, बालकल्याण मावि, कुमुदिनी होम्स र हिल प्वाइन्ट मावि सेमिफाइनलमा प्रवेश गरे ।

सेभेन ए साइड छात्र फुटबल तथा ३- ३ छात्रा बास्केटबलका सेमिफाइनल र फाइनलका खेलहरू बुधवार सम्पन्न हुने छन् । बुधवार नै ‘फिस्टेल एसइई कप २०८१’ को समापनसमेत हुने छ । फुटबलतर्फ विजेता र उपविजेताले क्रमशः १५ हजार र १० हजार तथा बास्केटबलतर्फ क्रमशः १० हजार र ५ हजार नगद पुरस्कारका साथ मेडल, ट्रफी र प्रमाणपत्र पाउने छन् ।

Related News

सम्बन्धित समाचार

hero news full width