पोखरा । सामुदायिक सेवा केन्द्र एवं सामुदायिक प्रहरी सेवा बगरले जिल्ला प्रहरी कार्यालय कास्कीका प्रहरी नायव उपरीक्षक वसन्तराज शर्मालाई स्वागत गरेको छ ।

हालै सरुवा भइ आएका डिएसपी शर्मालाई सामुदायिक बगर अध्यक्ष रामप्रसाद अधिकारीलगायत सल्लाहकारले मायाको चिनो सहित खादा लगाएर स्वागत गरे ।

कार्यक्रममा उनले अपराध नियन्त्रण र शान्तिसुरक्षा कायम गर्न सधैँ समुदायसँग सहकार्य गरेर अघि बढ्ने प्रतिबद्धता जनाए ।

सामुदायिक बगर अध्यक्ष तिमिल्सिनाको अध्यक्षतामा भएको कार्यक्रममा पोखरा १ का वडा सदस्य जुमकाजी गुरुङ, सामुदायिक बगर संस्थापक अध्यक्ष सीता गुरुङ, सल्लाहकार पुरुषोत्तम श्रेष्ठ, निवर्तमान अध्यक्ष रामभूषण पराजुली, कोषाध्यक्ष कृष्णबहादुर तामाङले बोलेका थिए ।