पोखरा । अन्नपूर्ण ७ स्थित हिमालय माविले त्रिदिवसीय कार्यक्रम गरी स्वर्ण महोत्सव मनाउने भएको छ । विद्यालयले यही वैशाख १० देखि १२ सम्म विविध कार्यक्रम गरी स्वर्ण महोत्सव मनाउन लागेको हो ।
भिचुक, तोल्का र लान्द्रुक सेवा क्षेत्रभित्र प्राथमिक तह उत्तीर्ण विद्यार्थीको अध्ययनको निम्ति २०३१ सालमा उक्त विद्यालयको स्थापना भएको थियो । हिमालय निमावि भिचुक तिर्लुङ नामले तत्कालीन समयमा लुम्ले गाविस वडा ८ मा स्थापना भएको विद्यालयमा सुरुमा कक्षा ४ देखि ७ सम्ममात्र पढाइ हुन्थ्यो । पछि तोल्का नागामा सञ्चालित ध्यामुदेउराली प्रावि सो विद्यालयमा समायोजन गरी कक्षा १ देखि ७ सम्म सञ्चालन गरिएको थियो । स्थापनाको केही वर्षमै तिरलुङमा रहेको विद्यालय पहिरोमा परी क्षति भएपछि हाल मिदिगरा तोल्कामा स्थानान्तरण गरिएको हो ।
यो विद्यालय अन्नपूर्ण गाउँपालिका ७ को एकमात्र मावि हो । विद्यालयले स्वर्ण महोत्सवका लागि गत वर्ष १३ मंसिरको भेलाले विद्यालय व्यवस्थापन समिति अध्यक्ष केशवराज दुराको संयोजकत्वमा स्वर्ण जयन्ती महोत्सव आयोजक मूल समिति गठन गरेको थियो । यस्तै, वडा सदस्य गौसाद गुरुङको संयोजकत्वमा आर्थिक, भगवान् पौडेलको संयोजकत्वमा प्रचार र प्रेमबहादुर गुरुङको संयोजकत्वमा स्वर्ण जयन्ती स्मारिका प्रकाशन उपसमिति गठन गरेको थियो ।
स्वर्ण महोत्सव अवसरमा विद्यालयका संस्थापकहरु, जग्गादाता लगायत १६ जनालाई मरणोपरान्त सम्मान, विद्यालय व्यवस्थापन समितिका पूर्व अध्यक्ष, पूर्व शिक्षक एवं प्रअ, अक्षयकोष दाता र स्वर्ण जयन्ती कोषका चन्दादातालाई सम्मान कार्यक्रम रहेको प्रचार संयोजक भगवान् पौडेलले बताए ।
प्रअ शरद सुवेदीका अनुसार स्वर्ण महोत्सव अवसरमा विद्यालयले अन्नपूर्ण गाउँपालिका माविस्तरीय छात्र भलिबल, हाजिरीजवाफ, वक्तृत्वकला र हिसाब दौड लगायतका अतिरिक्त क्रियाकलाप र विविध सांस्कृतिक कार्यक्रमसमेत आयोजना गर्ने भएको छ ।
Related News
सम्बन्धित समाचार
क्यानडा पढ्न जानेलाई दूतावासको सुझाव : विद्यार्थीले सोचेजस्तो छैन, विचार गरेर आउनुस्
स्वास्थ्य संस्थाहरूमा किशोरकिशोरीमैत्री सेवा र पहुँच आवश्यक छ : प्रमुख आचार्य
कक्षा १२ को प्रश्नपत्र आउट गर्ने २ जना पक्राउ
महेन्द्र माविमा रुद्रमधु गोविन्द अक्षयकोष स्थापना
रत्नशोभा माविका भूपू विद्यार्थीबीच पुनर्मिलन
hero news full width
मुख्य समाचार
भ्रष्टाचार नियन्त्रणमा सार्थक प्रयास भएन : धनराज गुरुङ
गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१मुख्यमन्त्री अधिकारीले २३ गते विश्वासको मत लिने, राप्रपा विपक्षमै
वैशाख २१, २०८१राप्रपाले साथ नदिने भएपछि अधिकारी सरकार संकटमा, अब के होला ?
वैशाख २०, २०८१लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१