पोखरा दरौंखोला सामीप्य समाजको भित्तेपात्रो विमोचन एवं नयाँ वर्षको शुभकामना आदानप्रदान शनिबार पोखरामा गरिएको छ । स्याङ्जाको दरौंखोला आसपासबाट पोखरामा आएर अध्ययन र विभिन्न पेसा व्यवसायमा आबद्धहरुको संस्था हो सामीप्य समाज । संस्थाका संरक्षक डा. खगेन्द्रप्रसाद घिमिरेले समाजले हालसम्म गरेका कामको प्रसंशा गर्दै नवनिर्वाचित समितिले गरेका रचनात्मक, सिर्जनात्मक र सामाजिक तथा मानवीय उत्तरदाइत्वका कामको निरन्तरताले संस्थाको उचाइ बढेको बताए ।

संस्थाका उपाध्यक्ष गंगाराम पौड्यालले स्वागत गरेको कार्यक्रममा, दिदी बहिनी क्वालिटी सर्कल सहसंयोजक मञ्जु कार्कीले दिदी बहिनीहरूले हालसम्म गरेका कामको समीक्षा, सल्लाहकार होतबहादुर रोकाले नव वर्ष २०८१ कविता, सल्लाहकार सूर्य रोकाले शुभकामना, संस्थापक अध्यक्ष शोभित खड्काले संस्थाको इतिहास, संरक्षक दोबबहादुर कार्कीले संस्थाका गतिविधि र भित्तेपात्रोको महत्वका बारेमा भनाइ राखेका थिए ।

संस्थाका अध्यक्ष बोधराज गौतमको अध्यक्षतामा भएको कार्यक्रम सञ्चालन सचिव नम रोकाले गरेका थिए ।