पोखरा । १२ औं राष्ट्रिय हेमजा आलु महोत्सवमा दिनप्रतिदिन दर्शक सहभागिता बढ्दै गएको छ । महोत्सवको तेस्रो दिन मंगलवार मात्रै १० हजार बढी दर्शकले महोत्सव अवलोकन गरेका छन् । अघिल्ला २ दिनको तुलनामा निकै बढी हो ।
हालसम्म १५ हजार बढी दर्शकले महोत्सव अवलोकन गरिसकेको मूल आयोजक समितिका महासचिव वसन्तकुमार श्रेष्ठले बताए । महोत्सव अवलोकन गर्नकै लागि हेमजा लगायत पोखरा महानगरपालिका, अन्नपूर्ण तथा माछापुच्छे गाउँपालिका साथै छिमेकी जिल्लाबाट समेत मानिसहरु महोत्सवस्थल पुगेका छन् ।
महोत्सव प्रवेशका लागि साधारण ८० तथा विद्यार्थीका लागि ५० रुपैयाँमा टिकट व्यवस्था गरिएको छ । जसअनुसार दर्शक सहभागिता बढ्दै जाँदा आयोजक समेत हैसिएको छ ।
कृषि उपजमा नाममा भएको महोत्सव आफैँमा महत्वपूर्ण भएकाले परिवार सहित अवलोकन गर्न आएको मंगलबार महोत्सव स्थलमा भेटिएकी तनहुँ शुक्लागण्डकी ९ की राममाया थापाले बताइन् । आलु लगायत अन्य स्टलबाट सामग्री बिक्रीवितरण हुने क्रम समेत ह्वात्तै बढेको छ । मंगलबारसम्मका ६ सय ३८ घरपरिवार मानिसले आलु किनी लगेको कृषि उपज व्यवस्थापन समिति संयोजक जयराम तिम्सिनाले बताए ।
स्याङ्जा, चितवन, तनहुँ लगायतका जिल्लाबाट समेत मानिस महोत्सवमा आई आलु किनी लगेको र हालसम्म न्यूनत्तम १० तथा अधिकत्तम १ सय ५० केजीसम्म प्रति परिवारले आलु खरिद गरेको संयोजक तिम्सिनाले बताए । मंगलबारसम्म आलुको ६ लाख बराबरको कारोबार भएको छ । यहाँ प्रतिकेजी ४० रुपैयाँमा आलु पाइन्छ ।
मंगलबार कलाकार जीवन दाहाल, शिवहरि ढुंगाना, परशुराम अधिकारी, बविता जेरी, चोलेन्द्र पौडेल, अमर धिताल, सन्तोष सुवेदी, पूजा तामाङ र नविता सुवेदीका प्रस्तुतिहरु रहे ।
त्यस्तै रत्यौली गीत प्रतियोगिता पनि सुरु भएको छ । रत्यौलीतर्फ मंगलबार ३ समूह लामाचौतारा खुट्टेगौडा आमा समूह, माछापुच्छे« सेवा समाज तथा लक्ष्मी आमा समूहका प्रस्तुति रहे । त्यस्तै, नवजागरण बाल भजन समूहले पनि आफ्नो प्रस्तुति राख्यो ।
महोत्सव आकर्षणमा आलु तथा ताजा तरकारीको प्रदर्शनी, आलुको पहाड निर्माण, आलुका विभिन्न परिकार प्रदर्शन, माटो र बोटबिरुवाको परीक्षण तथा रोगको निदान, कृषि सम्बन्धी विविध सांस्कृतिक कार्यक्रम, कृषि झाँकी प्रदर्शनी, कृषि विज्ञ र किसानबीच अन्तक्र्रिया, विभिन्न कृषि उपज, बिउबिजन तथा अन्य कृषि यन्त्रको प्रदर्शनी, कृषक सम्मान तथा पुरस्कार, रत्यौली गीत प्रतियोगिता, हास्यव्यंग्य एवं लाइभ पप कन्सर्ट लगायत छन् ।
Related News
सम्बन्धित समाचार
बेनी–जोमसोम सडक अवरुद्ध
गायक तथा गीतकार एलपी जोशी रहेनन्
आज मौद्रिक नीति सार्वजनिक हुँदै
श्रीकृष्ण प्रणामीमा प्रवचन सुरु
अमरसिंहमा छात्रवृत्ति वितरण
hero news full width
मुख्य समाचार
पोखराको गन्नीलाई रनिङ सिल्ड
लीलादेवी बनिन् पहिलो महिला मुख्यसचिव
श्रावण १०, २०८१राइड सेयरिङविरुद्ध पोखराका यातायात व्यवसायीको आन्दोलन
श्रावण १०, २०८१जहाज सि चेकका लागि पोखरा आउँदै थियो
श्रावण ९, २०८१कन्टेनरमा बजारिएर दुई टुक्रा भयो, अनि आगो लाग्यो
श्रावण ९, २०८१सौर्य एयर दुर्घटनामा १८ जनाको मृृत्यु
श्रावण ९, २०८१