म्याग्दी २ चैत । म्याग्दीको मङ्गला गाउँपालिकाको बाबियाचौर र अर्मन जोड्ने पुल निर्माण गर्न थालिएको छ । सडक डिभिजन कार्यालयले मङ्गला गाउँपालिका–२ बाबियाचौरको माटेबगर र वडा न. ५ अर्मनको मसानघाटमा मोटर चल्ने पक्की पुल बनाउन लागेको हो ।
चालिस\चालिस मिटरको ‘डबल स्पाम’ भएको ८० मिटर लामो र ११ मिटर चौडाइको पुल निर्माण गर्न लागिएको उक्त कार्यालयका सूचना अधिकारी इञ्जिनियर मकुन्दप्रसाद लामीछानेले जानकारी दिए । पुल निर्माणका लागि लुम्बिनी प्राकृतिक जेभीले ११ करोड २४ लाख २५ हजारमा ठेक्का सम्झौता गरेको छ ।
गत पुस २५ गते भएको सम्झौताअनुसार पुल २०७७ पुस २५ मा सम्पन्न गर्ने लक्ष्य छ । निर्माण कम्पनीले पुल निर्माणका लागि जग खन्ने काम शुरु गरेको छ । यो पुल निर्माण भएपछि मङ्गला गाउँपालिकाको अर्मन र बरङ्जाका साथै बागलुङको ताराखोला गाउँपालिकाका बासिन्दालाई सुबिधा पुग्ने जनाइएको छ ।
अर्मन र बरङ्जामा सडक निर्माण भएपनि मोटर चल्ने पुल नहुँदा स्थानीयवासी यातायात सुबिधाबाट बञ्चित थिए । दश वर्ष अघि नै स्थानीयवासी, जिविस, गाविसको पहलमा निर्माण भएको सडकमा सो पुल निर्माण भएपछि स्थानीयवासीले सुबिधा पाउने मङ्गला गाउँपालिकाका अध्यक्ष सतप्रसाद रोकाले बताए ।
पुलको अभावमा हिउँदमा म्याग्दी नदीबाट सवारी साधन वारपार गर्दै आएका छन् तर बर्खामा भने आवतजावत बन्द हुने गरेको छ । सडक डिभिजनले बेनी नगरपालिका–४ फापरखेतदेखि मङ्गला गाउँपालिका–३ बरङ्जा जोड्ने ११७ मिटर लामो अर्को मोटर चल्ने पुल पनि निर्माण शुरु गरेको छ ।
Related News
सम्बन्धित समाचार
बेनी–जोमसोम सडक अवरुद्ध
निशुल्क कपाल काट्ने तालिम
कंक्रिट संरचनाले घट्दैछ धानखेत
‘कांग्रेस–एमाले मिलाउनु रास्वपाको उपलब्धि’
मापदण्ड मिचेका संरचना हटाउन सुरु
hero news full width
मुख्य समाचार
गायक तथा गीतकार एलपी जोशी रहेनन्
आज मौद्रिक नीति सार्वजनिक हुँदै
श्रावण ११, २०८१पोखराको गन्नीलाई रनिङ सिल्ड
श्रावण १०, २०८१लीलादेवी बनिन् पहिलो महिला मुख्यसचिव
श्रावण १०, २०८१राइड सेयरिङविरुद्ध पोखराका यातायात व्यवसायीको आन्दोलन
श्रावण १०, २०८१जहाज सि चेकका लागि पोखरा आउँदै थियो
श्रावण ९, २०८१