साना किसान सहकारीद्वारा कृषक सम्मान

आदर्श समाज सम्वाददाता
मंसिर २४, २०७५
Kisan Samman

पोखरा, २३ मंसिर । साना किसान कृषि सहकारी संस्था लि.को १३ औं वाषिर्क साधारणसभा अवसरमा कृषि कार्यमा लागि उत्कृष्ट बन्न सफल ४ जना कृषकलाई सम्मान गरिएको छ ।

उद्यमशीलताका माध्यमबाट व्यावसायिक कृषिको प्रयोग गर्दै समाजमा उदाहरणीय बन्न सफल पोखरा २१ का नवराज सुवेदी, उदयराज पोख्रेल, यमप्रसाद गौतम र गंगामाया भण्डारीलाई शनिवार नगदसहित सम्मानपत्र प्रदान गरिएको हो ।

सम्मानित चारै जना सहकारीमार्फत कृषि ऋण लिई पशुपालन, व्यावसायिक तरकारी तथा पुष्प खेती गरी मनग्य आम्दानी गर्दै समाजमा अनुकरणीय बनेको संस्थाका अध्यक्ष गुरुप्रसाद पौडेलले जानकारी दिए ।

कार्यक्रममा उत्कृष्ट सञ्चालक सम्मानबाट झलकबहादुर थापालाई नगद र सम्मानपत्रद्वारा सम्मान गरिएको थियो ।

कृषकलाई सम्मान गर्दै पोखरा २१ वडाध्यक्ष खगराज आचार्यले व्यावसायिक कृषिका क्षेत्रमा लाग्ने जो कोहीलाई वडाबाट सक्दो सहयोग गर्ने प्रतिबद्धता जनाए ।

२०६२ सालमा स्थापना भई सञ्चालनमा आएको सो सहकारीका १ हजार ६३ जना सेयर सदस्यमध्ये ७१ प्रतिशत महिला छन् ।

कार्यक्रममा कृषि सहकारी गण्डकी प्रदेश संयोजक राजमी अधिकारी, वडा सदस्य सीता विक, खानेपानी योजनाका अध्यक्ष दाताराम आचार्य, संस्थाका पूर्व अध्यक्ष इश्वरीप्रसाद पोख्रेल, सम्मानित कृषक उदयराज पोख्रेल र गंगामाया भण्डारी लगायतले कृषि पेशालाई सम्मानित र मर्यादित बनाउनु पर्ने बताए ।

संस्थाका अध्यक्ष गुरुप्रसाद पौडेलको अध्यक्षतामा भएको कार्यक्रममा उपाध्यक्ष योगेन्द्र सुवेदीले स्वागत तथा सचिव सुनिता सापकोटा र प्रबन्धक धर्मराज अधिकारीले सञ्चालन गरेका थिए ।

Related News

सम्बन्धित समाचार

  • मेश्रम वराह माविको हीरक जयन्ती

    आदर्श समाज सम्वाददाता फागुन १६, २०८०
    पोखरा । अन्नपूर्ण गाउँपालिका–१०, घान्द्रुकस्थित मेश्रम वराह माध्यमिक विद्यालयको हीरक जयन्ती सुरु भएको छ । मंगलबार विद्यालयमा आयोजित एक समारोहबीच…
  • जिससका पदाधिकारीलाई तालिम

    आदर्श समाज सम्वाददाता फागुन १६, २०८०
    पोखरा । गण्डकी प्रदेश प्रशिक्षण प्रतिष्ठान आयोजना र जिल्ला समन्वय समिति महासंघ गण्डकी प्रदेश समिति समन्वयमा जिससका पदाधिकारीलाई सकारात्मक सोचसम्बन्धी…
  • नेवा पत्रकारलाई समाचार लेखन तालिम

    आदर्श समाज सम्वाददाता फागुन १५, २०८०
    नेवा पत्रकार पुचः कास्कीको आयोजना तथा पोखरा महानगरपालिका ९ को सहयोगमा समाचार लेखन सम्बन्धी आधारभूत तालिम भएको छ । मंगलबार…
  • मादीको चिप्लीमा शिवरात्रि मेला तयारी

    आदर्श समाज सम्वाददाता फागुन १५, २०८०
    पोखरा । कास्कीको मादी गाउँपालिका ६ चिप्लीस्थित सिद्ध युवा क्लबको आयोजनामा महाशिवरात्रि मेला हुने भएको छ । २०४४ सालमा स्थापित…
  • मुख्यमन्त्रीद्वारा प्रदेश प्रहरी कार्यालय निरीक्षण

    आदर्श समाज सम्वाददाता फागुन १५, २०८०
    पोखरा । गण्डकी प्रदेशका मुख्यमन्त्री सुरेन्द्रराज पाण्डेले प्रदेशको समग्र शान्ति सुरक्षालाई थप मजबुद र विश्वसनीय बनाई जनमैत्री र नागरिक केन्द्रित…

hero news full width