पोखरा । पोखराको फेवा किनारमा जारी १९ औं संस्करणको फेवा नव वर्ष महोत्सव अन्तर्गत दोस्रो दिन शुक्रबार आयोजित पर्यटक दौड प्रतियोगिताको उपाधि डेविड नर्धोफले जितेका छन् ।
यसैगरी प्रतियोगितामा फ्रान्सका म्याक्स ल्यापलेस द्वितीय भए । रिच अस्टिनले तृतीय स्थान हासिल गरे । महिलातर्फको छुट्टै मूल्यांकनमा नेदरल्यान्डकी सिज्ने भिनस्तिया प्रथम, न्युजिल्यान्डकी ह्यारियट म्याकेन्जी द्वितीय र बेल्जियमकी एलिन रिस्की तृतीय भए ।
लेकसाइड स्थित पिस प्लाजा होटल अगाडिबाट सुरु भएको दौड ड्यामसाइड पुगी समापन भएको थियो । ३ किलोमिटर लामो दौडमा ३५ पर्यटक सहभागी भएको प्रतियोगिताका संयोजक हेमराज पहारीले जानकारी दिए । स्पेन, अमेरिका, नेदरल्याण्ड, म्यान्मार, इजरायल, बेलायत, अस्ट्रेलिया, फ्रान्स लगायतका देशका पर्यटकले प्रतियोगितामा भाग लिएका थिए ।
प्रथम हुनेले पोखरा अल्ट्रालाइटका तर्फबाट अल्ट्रालाइट फ्लाइट, होटल ग्लेसियरमा खाना र बास, सिइङ ह्यान्ड्स ब्लाइन्ड मसाज क्लिनिकका तर्फबाट निःशुल्क मसाज, मायाको चिनो र प्रमाणपत्र पुरस्कार पाए । यसैगरी द्वितीय हुनेले अन्नपूर्ण प्याराग्लाइडिङका तर्फबाट आधि घन्टाको उडान, ब्यञ्जन बार एण्ड ग्रिलको तर्फबाट रातको खाना, मायाको चिनो र प्रमाणपत्र पुरस्कारस्वरुप प्राप्त गरे । तृतीय पुरस्कारस्वरुप निशुल्क टिसर्ट र निशुल्क मसाज सेवा प्रदान गरियो ।
रन फर फन नाम दिइएको प्रतियोगिताका विजेतालाई पोखरा महानगरपालिका वडा १७ कि अध्यक्ष राधिकाकुमारी शाही, महोत्सव आयोजक होटल संघ पोखरा नेपालका अध्यक्ष एवं महोत्सव संयोजक लक्ष्मण सुवेदी लगायतले पुरस्कार वितरण गरेका थिए । गोर्खा ब्रुअरी मुख्य प्रायोजक रहेको फेवा महोत्सवलाई नेपाल पर्यटन बोर्ड र पोखरा महानगरपालिकाले प्रवद्र्धन गरेका हुन् । आयोजक संघका महासचिव एवं प्रचार संयोजक राजेन्द्र ढकालले कार्यक्रम सञ्चालन गरेका थिए ।
Related News
सम्बन्धित समाचार
पोखरामा बोलबम सुरु, धार्मिक पर्यटनमा टेवा
सांग्रिला होटल संस्थापक पाण्डेको निधन
कोरोनाले फेरिएको ढिकीडाँडा
पोखरामा बोलबम पदयात्राको तयारी पूरा, साउनका चारै सोमबार हुने
होटल प्रतिनिधि समाज पोखरामा माधव लम्साल
hero news full width
मुख्य समाचार
गायक तथा गीतकार एलपी जोशी रहेनन्
आज मौद्रिक नीति सार्वजनिक हुँदै
श्रावण ११, २०८१पोखराको गन्नीलाई रनिङ सिल्ड
श्रावण १०, २०८१लीलादेवी बनिन् पहिलो महिला मुख्यसचिव
श्रावण १०, २०८१राइड सेयरिङविरुद्ध पोखराका यातायात व्यवसायीको आन्दोलन
श्रावण १०, २०८१जहाज सि चेकका लागि पोखरा आउँदै थियो
श्रावण ९, २०८१