ललित गौचन सम्मान शाक्यलाई

आदर्श समाज सम्वाददाता
फागुन १८, २०७४

पोखरा, १७ फागुन । यस वर्षको ‘ललित गौचन स्मृति समाजसेवा सम्मान’ फोटोग्राफर एवं कलाकार विश्वरत्न शाक्यलाई प्रदान गरिने भएको छ ।

इ. किसानसिं गुरुङको संयोजकत्वमा गठित ५ सदस्यीय प्रतिभा छनोट समितिले उक्त सम्मानका लागि शाक्यलाई सिफारिस गरेकोमा नागरिक समाज पोखराका कार्यबाहक संयोजक विष्णुहरि अधिकारीको अध्यक्षतामा बसेको बैठकले अनुमोदन गरेको हो ।

छनोट समिति सदस्यमा इन्द्रकमल मानन्धर, धीरज थापा, पदेन सदस्यमा कार्यबाहक संयोजक विष्णुहरि अधिकारी र प्रवक्ता ठाकुरप्रसाद बराल थिए ।

नागरिक समाज पोखराले आफ्नो सातबुँदे आचारसंहितामध्ये समय आन्दोलनलाई समेत आदर्श मान्दै आएको छ। सम्मानित हुन लागेका सिद्धि सेतुली स्मृति प्रतिष्ठानका संरक्षक शाक्य पोखरामा समय आन्दोलनका प्रमुख अभियन्ता समेत हुन् ।

उक्त सम्मान व्यवस्थापनका लागि गौचन परिवारबाट ५५ हजार पाँच सय रुपैयाँको अक्षेय कोषको स्थापना गरिएको छ।

गौतनको पुण्य स्मृति दिवसमा फागुन २३ गते विशेष कार्यक्रम गरी उक्त सम्मान अर्पण गरिने समाजका अध्यक्ष रामबहादुर पौडेलले जानकारी दिए । यसअघि समाजसेवी प्रभा पन्त, गिरिराज अधिकारी, झपेन्द्रराज रेग्मीलाई सम्मान गरिएको छ ।

यसैबीच, समाजको बैठकले सिरियामा जारी सशस्त्र द्वन्द्वमा सरकार र व्रि्रोहीबाट भएका जघन्य अपराधले मानवता घायल भएको छ भन्दै मानवताविरुद्धको अपराधको निन्दा गरेको छ । समाजको आगामी चैत १५ गते साधारण सभाको मिति समेत तय गरिएको छ ।

Related News

सम्बन्धित समाचार

  • साझा भाषा नेपाली बनाउन भानुभक्तको योगदान

    आदर्श समाज सम्वाददाता असार २९, २०८१
    पोखरा । आदिकवि भानुभक्त आचार्यले साझा भाषा नेपाली बनाउन अतुलनीय योगदान पु¥याएको यहाँ आयोजित एक कार्यक्रमका वक्ताले उल्लेख गरेका छन्…
  • नानुमैया दाहालको मुक्तक संग्रह लोकार्पण

    आदर्श समाज सम्वाददाता असार २२, २०८१
    विराटनगर । नेपाल मुक्तक प्रतिष्ठान कोशी प्रदेश शाखाको आयोजनामा मुक्तककार नानुमैया दाहालको पहिलो मुक्तकसङ्ग्रह “खुला आकाशमुनि”  असार २२ गते विराटनगरमा लोकार्पण…
  • अपेक्षा बनिन् मिस एसइई गण्डकी

    आदर्श समाज सम्वाददाता असार १६, २०८१
    पोखरा, १६ असार । मिस एसइई गण्डकी सिजन–४ को उपाधि अपेक्षा अधिकारीले जितेकी छन् । शनिबार पोखरामा भएको ग्राण्ड फिनालेमा…
  • श्रष्टा बानियाँलाई सूर्यनारायण पुरस्कार अर्पण

    आदर्श समाज सम्वाददाता असार ११, २०८१
    म्याग्दी । मदन पुरस्कार विजेता ‘महारानी’ उपन्यासका लेखक चन्द्रप्रकाश बानियाँलाई ‘सूर्यनारायण पुरस्कार’ अर्पण गरिएको छ । सूर्यनारायण पुरस्कार संस्थाद्वारा सोमबार…
  • विम्बकविलाई कला वाङ्मय पुरस्कार

    आदर्श समाज सम्वाददाता असार १०, २०८१
    पोखरा । त्रिवेणी साहित्य प्रतिष्ठानद्वारा यसवर्ष पहिलो पटक भगवती–होम कला वाङ्मय पुरस्कारले नेपाली चित्रकला र कविताका प्रसिद्घ सर्जक प्राज्ञ, विम्बकवि…

hero news full width