लालबहादुर चण्डेश्वरी संगीत पुरस्कार गजमेरलाई

आदर्श समाज सम्वाददाता
फागुन १५, २०७४
ranjit-gazmer

पोखरा, १४ फागुन । लालबहादुर चण्डेश्वरी ढेवाजु स्मृति संगीत पुरस्कार-२०७४ बाट संगीतकार रञ्जित गजमेर पुरस्कृत हुने भएका छन् ।

नेपाली वाद्य मादललाई अन्तर्राष्ट्रिय जगत्मा पुर्‍याउन गरेको योगदान तथा नेपाली चलचित्र संगीत क्षेत्रमा उल्लेख्य योगदान पुर्‍याएकोमा उनलाई उक्त पुरस्कारबाट सम्मानित गरिने संगीत प्रशिक्षण केन्द्र, पोखराले जनाएको छ । पुरस्कार राशि ५१ हजार रुपैयाँ सहित सम्मानपत्र रहेको छ ।

केन्द्रका सल्लाहकार तीथ श्रेष्ठको संयोजकत्वमा गठित प्रतिभा छनोट उपसमितिले गजमेरको नाम चयन गरेको केन्द्रका अध्यक्ष गौतम बिजुक्छेले जानकारी दिए ।

उक्त पुरस्कार फागुन १९ गते विन्ध्यवासिनी धार्मिक क्षेत्र विकास समितिको सभाहलमा एक समारोहबीच पोखरा लेखनाथ महानगर प्रमुख मानबहादुर जिसीले गजमेरलाई अपण गर्ने कार्यक्रम छ ।संगीत प्रशिक्षण केन्द्रका संस्थापक अध्यक्ष लालबहादुर ढेवाजुको निधनपछि उनको स्मृतिमा धर्मपत्नी चण्डेश्वरी ढेवाजुद्वारा १ लाख रुपैयाँ अक्षयकोष स्थापना गरी केन्द्रले लालबहादुर ढेवाजु स्मृति संगीत पुरस्कार सञ्चालन गर्दैआएको थियो ।

पछि चण्डेश्वरीको समेत देहावसानपछि उनका सुपुत्री सरस्वती श्रेष्ठ र विजय मल्लले अक्षयकोषको रकम ५ लाख रुपैयाँ पुर्‍याई राष्ट्रियस्तरमा पुरस्कार स्तरोन्नति गरियो । हाल अक्षयकोषमा ७ लाख रुपैयाँ रहेकोमा उक्त पुरस्कार केन्द्रले प्रत्येक २ वर्षमा प्रदान गर्दैआएको छ ।

२०४६ सालमा तत्कालीन पोखरा नगर पञ्चायतको संरक्षकत्वमा स्थापित संगीत प्रशिक्षण केन्द्रले निरन्तररुपमा वाद्यवादन र गायनको प्रशिक्षण गराउँदैआएको छ । साथै केन्द्रले विविध सांगीतिक कार्यक्रम एवं पुरस्कार सञ्चालन गर्दैआएको अध्यक्ष बिजुक्छेले जनाए ।

Related News

सम्बन्धित समाचार

  • कुलपति हुँदाको बैठक भत्ता भानु वाङमय अक्षयकोषलाई दिए पदमराजले

    आदर्श समाज सम्वाददाता असार ३१, २०८१
    पोखरा । पोखरा प्रज्ञा प्रतिष्ठानका कुलपति पदमराज ढकालले आफ्नो कार्यकालको बैठक भत्ता भानु वाङ्मय प्रतिष्ठान अक्षयकोषका लागि प्रदान गरेका छन्…
  • साझा भाषा नेपाली बनाउन भानुभक्तको योगदान

    आदर्श समाज सम्वाददाता असार २९, २०८१
    पोखरा । आदिकवि भानुभक्त आचार्यले साझा भाषा नेपाली बनाउन अतुलनीय योगदान पु¥याएको यहाँ आयोजित एक कार्यक्रमका वक्ताले उल्लेख गरेका छन्…
  • नानुमैया दाहालको मुक्तक संग्रह लोकार्पण

    आदर्श समाज सम्वाददाता असार २२, २०८१
    विराटनगर । नेपाल मुक्तक प्रतिष्ठान कोशी प्रदेश शाखाको आयोजनामा मुक्तककार नानुमैया दाहालको पहिलो मुक्तकसङ्ग्रह “खुला आकाशमुनि”  असार २२ गते विराटनगरमा लोकार्पण…
  • अपेक्षा बनिन् मिस एसइई गण्डकी

    आदर्श समाज सम्वाददाता असार १६, २०८१
    पोखरा, १६ असार । मिस एसइई गण्डकी सिजन–४ को उपाधि अपेक्षा अधिकारीले जितेकी छन् । शनिबार पोखरामा भएको ग्राण्ड फिनालेमा…
  • श्रष्टा बानियाँलाई सूर्यनारायण पुरस्कार अर्पण

    आदर्श समाज सम्वाददाता असार ११, २०८१
    म्याग्दी । मदन पुरस्कार विजेता ‘महारानी’ उपन्यासका लेखक चन्द्रप्रकाश बानियाँलाई ‘सूर्यनारायण पुरस्कार’ अर्पण गरिएको छ । सूर्यनारायण पुरस्कार संस्थाद्वारा सोमबार…

hero news full width