२० हजार घरमा सुधारिएको चुलो

आदर्श समाज सम्वाददाता
माघ २९, २०७४

लमजुङ, २८ माघ। लमजुङमा २० हजार सुधारिएको चुलो निर्माण गर्ने तयारी गरिएको छ। स्वास्थ्य चुलो नेपाल जयवागेश्वरी, काठमाडौँले निर्माण गर्ने भएको हो। गृहिणी महिलाको स्वास्थ्यमा सुधार ल्याउने र बन फडानी रोक्न सहयोग गर्ने उद्देश्यले सो कार्य गरिन लागेको आयोजक संस्थाको भनाई छ।

लमजुङमा २० हजार सुधारिएको चुलो निर्माण गर्ने लक्ष पूरा गर्नका लागि विभिन्न स्थानमा निर्माणकर्तालाई तालिम दिइएको सो संस्थाका लमजुङ संयोजक कमल गुरुङले बताए।

उनका अनुसार सोही प्रयोजनका लागि उक्त संस्थाले मस्र्याङ्दी गाउँपालिका- ८ भूलभुलेका स्थानीयलाई सुधारिएको चुलो बनाउने तालिम दिएको छ । आठदिने सो तालिममा १२ जनाको सहभागिता छ। सस्थाले तीन बर्षभित्र जिल्लामा यतिका संख्यामा चुलो निर्माण गर्ने योजना बनाएको गुरुङले जानकारी दिए।

कार्यक्रममा गाउँपालिका प्रमुख अर्जुन गुरुङ गाउँमा नै रोजगारको वातावरण सिर्जना गर्ने उद्देश्यका साथ कार्यक्रम सञ्चालन गरिएको बताए। सो अवसरमा स्वास्थ्य चुलो नेपालका परिवेक्षक ललितमान तामाङ, सहभागी इन्द्रकाशी गुरुङ, भिमबहादुर गुरुङ, सुवर्णन पुन लगायतले मन्तब्य व्यक्त गरेका थिए।

तालिमका सहभागीहरूले गाउँपालिका भित्रका सबै वडाहरूमा सुघारिएको चुल्हो निर्माण गर्ने छन्।

तालिममा सहभागी रहेका जेष्ठ नागरिक डम्बरसिंह अधिकारीको अध्यक्षतामा भएको कार्यक्रमको सञ्चालन स्वास्थ्य चुलो नेपालका लमजुङ संयोजक कमल गुरुङले गरेका थिए।

Related News

सम्बन्धित समाचार

  • वित्तीय साक्षरता तालिम

    आदर्श समाज सम्वाददाता माघ २२, २०७९
    स्याङ्जा । वित्तीय कारोबार बुझाउन र प्रयोगमा सहज बनाउने उद्देश्यले पुतलीबजार नगरपालिकामा वित्तीय साक्षरतासम्बन्धी तालिम दिइएको छ । पुतलीबजार नगरपालिका…
  • राष्ट्र बैंकका प्रथम गभर्नर राणाको निधन

    आदर्श समाज सम्वाददाता माघ २२, २०७९
    पोखरा । नेपाल राष्ट्र बैंकका प्रथम गभर्नर हिमालय समशेर जबराको आइतबार (आज) निधन भएको छ । उपचारका क्रममा राणाको नर्भिक…
  • वित्तीय संस्था कर्मचारी संघमा याम

    आदर्श समाज सम्वाददाता माघ २२, २०७९
    पोखरा । नेपाल वित्तीय संस्था कर्मचारी संघ कास्कीको नवौं अधिवेशनबाट यामबहादुर रानाभाटको अध्यक्षतामा १३ सदस्यीय कार्यसमिति निर्वाचित भएको छ ।…
  • बैंक तथा वित्तीय संस्थाको धरपकडविरुद्ध व्यवसायी

    आदर्श समाज सम्वाददाता माघ २०, २०७९
    पोखरा ।  बैंक तथा वित्तीय संस्थाहरुको धरपकडविरुद्ध पोखराका उद्योगी व्यवसायी आन्दोलित भएका छन् । पोखरा उद्योग वाणिज्य संघको अगुवाइमा बिहीबार…
  • चर्को ब्याजविरुद्ध पोखरामा रिले अनसन

    आदर्श समाज सम्वाददाता माघ १९, २०७९
    पोखरा । ‘सम्पूर्ण उद्योगी व्यवसायी एवं पीडित एक हौं’ भन्दै चर्को ब्याजविरुद्ध तीनदिने अनसन सुरु गरिएको छ । सरकारको विभेदपूर्ण…

hero news full width