निर्माण व्यवसायीको विरोध प्रदर्शन

आदर्श समाज सम्वाददाता
माघ १०, २०७४
DSC00530

पोखरा, ९ माघ। निर्माण सामग्रीमा मूल्यवृद्वि भएपछि पोखराका निर्माण व्यवसायी आक्रामक बनेका छन्।

मूल्यवृद्वि गर्ने कम्पनी तथा मनोमानी रुपमा गरिएको मूल्यवृद्वि नियन्त्रण गर्न नसकेको भन्दै निर्माण व्यवसायी सरकारसँग आक्रामक भएका हुन्। मूल्यवृद्विसँगै उपभोक्ता मारमा पर्दा निर्माण कार्य प्रभावित भएको उनीहरुको गुनासो छ।

निर्माण व्यवसायीका अनुसार पछिल्लो एक महिनामा मनोमानी रुपमा ६ पटकसम्म मूल्यवृद्वि भएको छ। सबैजसो निर्माण सामग्रीमा मूल्यवृद्वि भएको उनीहरुको भनाइ छ। प्रतिबोरा सिमेन्टमा १ सय ८० रुपैयाँसम्म र प्रतिकेजी रडमा १५ रुपैयाँसम्म मूल्यवृद्वि भएको बताइएको छ। मूल्यवृद्वि विरोध तथा सरकारको ध्यानाकर्षण गराउँदै निर्माण व्यवसायीले पोखरामा मंगलबार जुलुस प्रदर्शन गरेका छन्। मानवअधिकारचोकबाट शुरु जुलुस न्यूरोड, सभागृहचोकहँुदै पृथ्वीचोकमा पुगेर कोणसभामा परिणत भएको थियो। निर्माण व्यवसायी समिति कास्की नेपालले गरेको विरोध र्‍यालीमा स्वरोजगार निर्माण व्यवसायी समिति कास्की, श्रम निर्माण व्यवसायी समिति कास्की र लेखनाथ निर्माण व्यवसायी समितिको पनि सहभागिता थियो।

कोणसभामा मूल्यवृद्वि नियन्त्रण गर्न सरकारको ध्यानाकर्षण गराउँदै निर्माण व्यवसायीहरुले भने- ‘हाम्रो शान्तिपूर्ण आन्दोलनलार्ई सरकार बेवास्ता गरे देश नै ठप्प पार्छ।’

कार्यक्रममा निर्माण व्यवसायी समिति कास्की नेपालका अध्यक्ष अर्जुन थापाले शान्तिपूर्ण आन्दोलनलाई कमजोरी नठान्न चेतावनी दिए।

समितिका वरिष्ठ उपाध्यक्ष नारायण गुरुङले जनताको ढाड सेक्ने र निर्माण कार्य समेत प्रभावित हुने गरी गरिएको मूल्यवृद्विविरुद्व सबै एकजुट बन्नुपर्नेमा जोड दिए।

निर्माण व्यवसायी समितिका कास्की नेपालका सल्लाहकार भीमबहादुर शाहीले मनोमानी रुपमा गरिएको मूल्यवृद्वि नियन्त्रण गर्न नसक्नु सरकारको लाचारी भएको उल्लेख गरे।

कार्यक्रममा श्रम निर्माण व्यवसायी समिति कास्कीका अध्यक्ष गुञ्जलाल श्रेष्ठ र निर्माण व्यवसायी समिति कास्कीका सचिव नवराज बस्नेतले बोलेका थिए।

Related News

सम्बन्धित समाचार

  • पाल्पा हाउस प्रालिको दोस्रो साधारण सभा

    आदर्श समाज सम्वाददाता असाेज १३, २०८०
    पोखरा । पाल्पाको मौलिक तथा कलात्मक उत्पादन बजारीकरण गर्न पोखराको न्युरोडमा खोलिएको पाल्पा हाउस (पाल्पाली कोसेलीघर) प्रालिको दोस्रो साधारण सभा…
  • गण्डकीमा बिमाको पहुँच निकै कम

    आदर्श समाज सम्वाददाता असाेज १२, २०८०
    पोखरा । गण्डकी प्रदेशभित्र २७.४३ प्रतिशत मानिस बिमाको पहुँचमा छन् । देशभर भने ४४.३८ प्रतिशत मानिस बिमाको पहुँचमा रहेको विमा…
  • पोखरामा सिट्रोनको अत्याधुनिक सोरुम

    आदर्श समाज सम्वाददाता असाेज ११, २०८०
    पोखरा । पोखरामा सिट्रोन कारको शोरुम सञ्चालनमा आएको छ । पोखरा क्षेत्रका लागि आधिकारिक बिक्रेता एसएसएल मोटर्सको सोरुम पोखराको नयाँबजारमा…
  • शीतल सहकारीको १४ औं सभा

    आदर्श समाज सम्वाददाता असाेज ६, २०८०
    पोखरा । शीतल बचत तथा ऋण सहकारी संस्थाको १४ औं वार्षिक साधारण सभा शनिबार भएको छ । पोखरा महानगर सहकारी…
  • एग्रो टुरिजम सहकारीको सभा, पत्रकार पौडेल सम्मानित

    आदर्श समाज सम्वाददाता असाेज ६, २०८०
    पोखरा ।  एग्रो टुरिजम सहकारी संस्था लिमिटेडको दोस्रो वार्षिक साधारणसभा शनबिार भएको छ । कार्यक्रम उद्घाटनमा गण्डकी प्रदेशका सामाजिक विकास…

hero news full width