टेवानको परिचयात्मक कार्यशाला

आदर्श समाज सम्वाददाता
माघ ८, २०७४
01

पोखरा, ७ माघ । पर्यटन व्यवसायी महिला संघ नेपाल (टेवान) ले परिचयात्मक कार्यशाला गोष्ठी गरेको छ।

दिगो पर्यटनका लागि समान सहभागिता भन्ने मूल नाराका साथ सञ्चालनमा आएको टेवानले पर्यटन क्षेत्रसँग सम्बन्धित सरोकारवालाबीच आफ्ना सदस्य तथा सल्लाहकारको परिचयात्मक कार्यक्रम आयोजना गरेको हो।

कार्यक्रम उद्घाटन गर्दै महिला तथा बालबालिका कार्यालय कास्कीका कार्यालय प्रमुख लक्ष्मी जिसीले पर्यटन व्यवसायमा महिलाको प्रतिष्ठा, अस्मिता र नैतिकतालाई थप सुरक्षित र सशक्त बनाउन टेवानको भूमिका महत्वपूर्ण रहने बताइन्।

पोखरा पर्यटन परिषदका अध्यक्ष केदारनाथ शर्माले पोखरामा पोखरामा पर्यटन व्यवसायसँग सम्बन्धित १३ वटा संस्थामा टेवानको उपस्थितले परिषद झन् बलियो हुने विश्वास व्यक्त गरे।

नेपाल पर्यटन बोर्ड क्षेत्रीय कार्यालय पोखराका सूर्य थपलियाले पर्यटनको विकास र विस्तार संघर्षशील रहेको बताए।

संस्थासल्लाहकार मन्धरा ढकालले महिला सक्रिय रुपमा लागेमा हरेक क्षेत्रका सफलता प्राप्त हुने बताइन्। समाजमा महिला आफै क्रियाशी र सशक्त ढंगले अघि बढ्नुपर्नेमा ढकालले जोड दिइन्। कार्यक्रममा टानका अध्यक्ष दीपकराज अधिकारी, टेसाका अध्यक्ष नारायण सुवेदी, पर्यटन यातायात व्यवसायी संघका अध्यक्ष बवरजंग गुरुङ, रेवानका अध्यक्ष चौबहादुर गुरुङ, सामुदायिक सेवा केन्द्रका उपाध्यक्ष मीना भट्टराई, पत्रकार महासंघ कास्कीका उपाध्यक्ष विमला भण्डारी, आदर्श समाज दैनिकका व्यवस्थापक दुर्गादेवी वास्तोला, पत्रकार महासंघका पूर्व केन्द्रिय सदस्य सुष्मा पौडेल, संस्थाकी सल्लाहकार इन्दिरा बराल लगायतले शुभकामना मन्तव्य दिए।

संस्थाका अध्यक्ष लक्की कार्की क्षत्रीको अध्यक्षतामा सम्पन्न कार्यक्रमको सञ्चालन महासचिव कमला गिरी र स्वागत उपाध्यक्ष रेणु थापाले गरेका थिए।

पर्यटन व्यवसायमा संलग्न महिला एकीकृत गर्दै उनीहरूको क्षमता र नेतृत्व विकासमा टेवा पुर्‍याउने उद्देश्यका साथ हालैमात्र टेवान स्थापना भएको हो ।

Related News

सम्बन्धित समाचार

  • गण्डकीको खर्च ६६ प्रतिशत, एकै दिन २ अर्ब निकासा

    धनबहादुर गुरुङ असार ३१, २०८१
    पोखरा ।  आर्थिक वर्ष २०८०/०८१ को सोमबार अन्तिम दिन । सरकारी क्षेत्रबाट हुने आर्थिक वर्षका कामकारवाही सोमबारदेखि नै सकिन्छ ।…
  • विदेशी मुद्रा सञ्चिति बढ्यो

    आदर्श समाज सम्वाददाता असार २६, २०८१
    पोखरा । मुलुकको विदेशी मुद्रा सञ्चिति ११ महिनामा ३ अर्ब १ करोड डलरले वृद्धि भएको छ । २०८० असार मसान्तमा…
  • पाेखरामा इलेक्ट्रिक स्कुटर ‘ग्यारो डिटी–६०’ सार्वजनिक

    आदर्श समाज सम्वाददाता असार १८, २०८१
    पोखरा । पोखरामा इलेक्ट्रिक स्कुटर ‘ग्यारो डिटी–६०’ सार्वजनिक भएको छ । क्लासिक ह्वील्स एक्सपोर्ट एन्ड इम्पोर्टले मंगलबार नयाँबजारस्थित सोरुपमा एक…
  • गण्डकीको बजेट बहुमतले पारित

    आदर्श समाज सम्वाददाता असार १७, २०८१
    पोखरा । गण्डकी प्रदेशको आगामी वर्षको बजेट बहुमतले पारित भएको छ । असार १ गते अर्थमन्त्री डा. टकराज गुरुङले पेस…
  • इ–ड्राइभको गण्डकीमा सेवा विस्तार

    आदर्श समाज सम्वाददाता असार १५, २०८१
    पोखरा । इ–ड्राइभ गण्डकी नेपाल र इ–ड्राइभ नेपालले सहकार्यमा राइड शेयरिङ एप ‘इ–ड्राइभ नेपाल’ सञ्चालनमा आएको छ । प्रविधिको प्रयोगमा…

hero news full width