९४ करोड बराबरको हकप्रद सेयर स्वीकृति

आदर्श समाज सम्वाददाता
पौष २५, २०७४

काठमाडौँ, २४ पुस। नेपाल धितोपत्र बोर्डले ९४ करोड तीन लाख बराबरको हकप्रद सेयर निष्कासन गर्न विभिन्न्ा तीन कम्पनीलाई स्वीकृति दिएको छ ।

बोर्डका अनुसार एसियन लाइफ इन्स्योरेन्स, फस्ट माइक्रोफाइनान्स लघुवित्त वित्तीय संस्था लिमिटेड र कामना सेवा विकास बैंकलाई हकप्रद सेयर निष्कासनका लागि सोमबार स्वीकृति दिइएको छ ।

एसियन लाइफ इन्स्योरेन्सले १० कित्ता बराबर एक पाउने गरी रु ४० करोड २७ लाख ९६ हजार ६ सय २० बराबरको रु ४० लाख २७ हजार ९ सय ६६ कित्ता हकप्रद सेयर निष्कासनका लागि स्वीकृति दिइएको छ । हकप्रद सेयर निष्कासनका लागि एनआइबिएल क्यापिटल मार्केट लिमिटेडलाई बिक्री प्रबन्धक तोकिएको छ ।

यस्तै फस्ट माइक्रोफाइनान्स लघु वित्त वित्तीय संस्थाले रु २२ करोड ८१ लाख ३१ हजार ३ सय मूल्यबराबरको २२ लाख ८१ हजार ३ सय १३ कित्ता हकप्रद सेयर निष्कासनको स्वीकृति दिएको बोर्डले जनाएको छ । फस्ट माइक्रोफाइनान्स लघु वित्तको हकप्रद सेयर निष्कासनका लागि ग्लोबल आइर्एमई क्यापिटल लिमिटेडलाई बिक्री प्रबन्धक तोकिएको छ । सो कम्पनीले दुर्इ कित्ताबराबर एक पाउने गरी हकप्रद निष्कासन गर्न लागेको छ ।

यस्तै, कामना सेवा विकास बैंकले रु ३० करोड ९४ लाख १५ हजार ४ सय ७७ मूल्यबराबरको ३० लाख ९४ हजार १ सय ५४ कित्ता हकप्रद सेयर निष्कासनका लागि स्वीकृति दिइएको हो । कामना सेवाको हकप्रदका लागि एनएमबी क्यापिटल लिमिटेड बिक्री प्रबन्धक रहेको छ । कामनाले दश कित्ता बराबर १ दशमलब ५ कित्ता हकप्रद सेयर दिनेछ ।

यता, नेपाल स्टक एक्सचेन्जले वित्त समूहअन्तर्गत रहेको नागरिक लगानी कोषलाई अन्य समूहमा सारेको छ ।

कोष र वित्त समूहमा रहेका सूचीकृत कम्पनीको व्यावसायिक प्रकृतिलाई हेरेर समूह परिवर्तन गरिएको नेप्सेका प्रमुख कार्यकारी अधिकृत चन्द्रसिंह साउदले जानकारी दिए । नेप्सेले सूचीकृत कम्पनीलाई विभिन्न समूहमा वर्गीकरण गर्दै आएको छ । नेप्सेमा विभिन्न्ा १४ समूह रहेका छन् ।

नेप्सेले वर्गीकरण गरिएका कम्पनीलाइ उपसूचकमार्फत कारोबार मापन गर्दै आएको छ । कोष थपिएपछि अन्य समूहमा कम्पनीको संख्या चार पुगेको छ । कोष थपिनुअघि सो समूहमा जलविद्युत् लगानी तथा विकास कम्पनी, नेपाल दूरसञ्चार कम्पनी र नेपाल फिल्म डेभलपमेन्ट कम्पनी रहेका थिए ।

Related News

सम्बन्धित समाचार

  • गण्डकीको खर्च ६६ प्रतिशत, एकै दिन २ अर्ब निकासा

    धनबहादुर गुरुङ असार ३१, २०८१
    पोखरा ।  आर्थिक वर्ष २०८०/०८१ को सोमबार अन्तिम दिन । सरकारी क्षेत्रबाट हुने आर्थिक वर्षका कामकारवाही सोमबारदेखि नै सकिन्छ ।…
  • विदेशी मुद्रा सञ्चिति बढ्यो

    आदर्श समाज सम्वाददाता असार २६, २०८१
    पोखरा । मुलुकको विदेशी मुद्रा सञ्चिति ११ महिनामा ३ अर्ब १ करोड डलरले वृद्धि भएको छ । २०८० असार मसान्तमा…
  • पाेखरामा इलेक्ट्रिक स्कुटर ‘ग्यारो डिटी–६०’ सार्वजनिक

    आदर्श समाज सम्वाददाता असार १८, २०८१
    पोखरा । पोखरामा इलेक्ट्रिक स्कुटर ‘ग्यारो डिटी–६०’ सार्वजनिक भएको छ । क्लासिक ह्वील्स एक्सपोर्ट एन्ड इम्पोर्टले मंगलबार नयाँबजारस्थित सोरुपमा एक…
  • गण्डकीको बजेट बहुमतले पारित

    आदर्श समाज सम्वाददाता असार १७, २०८१
    पोखरा । गण्डकी प्रदेशको आगामी वर्षको बजेट बहुमतले पारित भएको छ । असार १ गते अर्थमन्त्री डा. टकराज गुरुङले पेस…
  • इ–ड्राइभको गण्डकीमा सेवा विस्तार

    आदर्श समाज सम्वाददाता असार १५, २०८१
    पोखरा । इ–ड्राइभ गण्डकी नेपाल र इ–ड्राइभ नेपालले सहकार्यमा राइड शेयरिङ एप ‘इ–ड्राइभ नेपाल’ सञ्चालनमा आएको छ । प्रविधिको प्रयोगमा…

hero news full width