व्यवसायमुखी शिक्षामा नीतिमा मुख्यमन्त्रीको जोड

आदर्श समाज सम्वाददाता
फागुन १५, २०७४

पोखरा, १४ फागुन । प्रदेश ४ का मुख्यमन्त्री पृथ्वीसुब्बा गुरुङले शिक्षासम्बन्धी कानून बनाउँदा सरोकारवाला निकायसँग छलफल गरी अघि बढ्ने बताएका छन् ।

आजसम्म लागू भएको नेपालको शिक्षा नीति फेल भइसकेको बताउँदै उनले अब जनमुखी र व्यवसायमुखी शिक्षा नीति आवश्यक रहेको बताए।  एकीकृत अखिल नेपाल शिक्षक संगठन जिल्ला समन्वय समिती कास्की र पोखरा लेखनाथ महानगर समितिले सोमबार उनको सम्मानमा आयोजना गरेको कार्यक्रममा बोल्दै मुख्यमन्त्री गुरुङले भने, ‘नेपाल अब समाजवाद उन्मुख राज्य संविधान ले नै परिभाषित गरिसकेको परिप्रेक्षमा यसलाइ सफल, संस्थागत र पुँजीकृत गर्न समाजवादी शिक्षा आवश्यक रहेको र प्रदेश सरकार संघिय सरकारसँग समन्वय गरी समसामयिक समस्यासँग जुध्न सक्ने जनशक्ति उत्पादन गर्न सक्ने विज्ञान र प्रविधिमा आधारित नयाँ शिक्षा निति निर्माणमा लागी पर्ने तयारीमा छ ।’

कार्यक्रममा आन्तरिक मामिला तथा कानून मन्त्री हरिबहादुर चुमानले लखौँको आँसु, पसिना र रगतले प्राप्त अहिलेको उपलव्धि रक्षार्थ आवश्यक ऐन/नियम तथा संरचना बनाएर अगाडि बढ्ने कार्यमा मन्त्रालय लागीपरेको बताए । कार्यक्रममा मुख्यमन्त्री गुरुङ, मन्त्री चुमान, उद्योग पर्यटन वन तथा वातावरण मन्त्री रामशरण बस्नेत, भूमि व्यवस्था, कृषि तथा सहकारी मन्त्री लेखबहादुर थापा मगरलाई सम्मानपत्र हस्तान्तरण गरिएको थियो । एकीकृत अखिल नेपाल शिक्षक संगठन जिल्ला समन्वय समिति कास्कीका अध्यक्ष तारानाथ पौडेलको अध्यक्षतामा भएको उक्त कार्यक्रममा एकीकृत अखिल नेपाल शिक्षक संगठन पोखरा लेखनाथ महानगर समितिका अध्यक्ष भुवन सुवेदीले स्वागत मन्तब्य राखेका थिए भने जिल्ला समन्वय समितिकस सचिव प्रकाश रिजालले सञ्चालन गरेका थिए ।

Related News

सम्बन्धित समाचार

  • गुरुङ ब्युटीपार्लरमा मेहेन्दी मेला

    आदर्श समाज सम्वाददाता श्रावण १, २०८१
    पोखरा । गुरुङ ब्युटीपार्लर एवं एकेडेमी, पोखरामा मेहेन्दी मेला सुरु भएको छ । एकेडेमीको न्यूरोडस्थित प्रागंणमा साउनलक्षित मेला ३० असारदेखि…
  • न्यायपालिकाको पञ्चवर्षीय रणनीतिक योजना सार्वजनिक

    रासस श्रावण १, २०८१
    काठमाडौं । न्यायपालिकाको पाँचौं पञ्चवर्षीय रणनीतिक योजना (२०८१/८२–२०८५/८६) सार्वजनिक गरिएको छ । प्रधानन्यायाधीश विश्वम्भरप्रसाद श्रेष्ठले मंगलबार योजना सार्वजनिक गर्दै न्यायपालिका…
  • गण्डकीका संस्थापक मुख्यमन्त्री बने सञ्चारमन्त्री

    आदर्श समाज सम्वाददाता श्रावण १, २०८१
    पोखरा । ओली नेतृत्वको मन्त्रिमण्डलमा सोमबार सञ्चारमन्त्री नियुक्त पृथ्वीसुव्वा गुरुङ नेपालको संसदीय राजनीतिमा सम्भवतः सबैभन्दा बढी निर्वाचनमा उम्मेदवार बनेका राजनीतिज्ञ…
  • कास्कीकी विद्या शिक्षामन्त्री

    आदर्श समाज सम्वाददाता श्रावण १, २०८१
    तत्कालीन पर्यटन मन्त्री रवीन्द्र अधिकारीको २०७५ फागुनमा हेलिकोप्टर दुर्घटनामा निधन भएसँगै कास्की क्षेत्र २ रिक्त हुन गयो । २०७६ सालको…
  • प्रधानमन्त्रीसहित नवनियुक्त १९ मन्त्रीद्वारा शपथ ग्रहण   

    आदर्श समाज सम्वाददाता असार ३१, २०८१
    काठमाडौं । राष्ट्रपति रामचन्द्र पौडेलले नवनियुक्त प्रधानमन्त्री र १९ मन्त्रीलाई आज पद तथा गोपनीयताको शपथ गराउनुभएको छ । नवनियुक्त प्रधानमन्त्री…

hero news full width