शीतला माविको हीरक जयन्ती

आदर्श समाज सम्वाददाता
फागुन १०, २०७४
IMG_8913

पोखरा, ९ फागुन ।स्याङ्जाको  फेदीखोला-४ गलेम आर्रुखर्कस्थित शीतला माध्यमिक विद्यालयको हीरक जयन्ती, ६० औं वाषिर्कोत्सव एवम् अभिभावक दिवस विविध कार्यक्रमका साथ बुधवार सम्पन्न भएको छ।

समारोहमा प्रमुख अतिथि प्रदेश सभा सदस्य मीनप्रसाद गुरुङले हीरक जयन्ती स्तम्भ अनावरण तथा स्मारिकाको विमोचन गरे।

यसैगरी, समारोहमा विद्यालयका संस्थापक पूर्व शिक्षक तथा सहयोगीलाई सम्मान गरियो। यस्तै, विविध अतिरिक्त र शैक्षिक क्रियाकलापमा उत्कृष्ट छात्रछात्रालाई पुरस्कृत गरिएको थियो।

त्यस अवसरमा प्रमुख अतिथि गुरुङले दुर्गम गाउँ गलेममा स्थापित विद्यालयले लामो यात्रा तय गर्दै पुर्याएको योगदान स्मरणीय र यहाँका शिक्षाप्रेमीको प्रयास प्रशंसनीय रहेको बताए।

कार्यक्रममा फेदीखोला गाउँपालिकाका अध्यक्ष घनश्याम सुवेदी, सिर्द्धार्थ सामुदायिक बहुमुखी क्याम्पसका अध्यक्ष प्रेमप्रसाद गौतमलगायतले शुभकामना मन्तव्य राखेका थिए।

विद्यालयको प्रतिवेदन प्रस्तुत गर्दै प्रधानाध्यापक तुलसीराम पौडेलले बसाइसराइँका कारण विद्यार्थी संख्या घट्दै गएकाले गुणस्तरीय शिक्षा सेवाका लागि वैकल्पिक स्रोतको खोज गरी लगनशीलता साथ लाग्नुपर्नेमा जोड दिए।

विद्यालय व्यवस्थापन समितिका अध्यक्ष मे. दिलबहादुर गुरुङको अध्यक्षतामा भएको कार्यक्रममा शिक्षकद्वय लेखनाथ पौडेलले स्वागत तथा यामनारायण लामिछानेले सञ्चालन गरेका थिए। विद्यालयमा मंगलवार स्वास्थ्य शिविर र सांस्कृतिक कार्यक्रम सम्पन्न भएको थियो।

२०१४ सालमा स्थापित शीतला प्रावि २०३४ सालमा निमावि र २०६७ मा मावि भएको थियो।

Related News

सम्बन्धित समाचार

  • गुरुङ ब्युटीपार्लरमा मेहेन्दी मेला

    आदर्श समाज सम्वाददाता श्रावण १, २०८१
    पोखरा । गुरुङ ब्युटीपार्लर एवं एकेडेमी, पोखरामा मेहेन्दी मेला सुरु भएको छ । एकेडेमीको न्यूरोडस्थित प्रागंणमा साउनलक्षित मेला ३० असारदेखि…
  • न्यायपालिकाको पञ्चवर्षीय रणनीतिक योजना सार्वजनिक

    रासस श्रावण १, २०८१
    काठमाडौं । न्यायपालिकाको पाँचौं पञ्चवर्षीय रणनीतिक योजना (२०८१/८२–२०८५/८६) सार्वजनिक गरिएको छ । प्रधानन्यायाधीश विश्वम्भरप्रसाद श्रेष्ठले मंगलबार योजना सार्वजनिक गर्दै न्यायपालिका…
  • गण्डकीका संस्थापक मुख्यमन्त्री बने सञ्चारमन्त्री

    आदर्श समाज सम्वाददाता श्रावण १, २०८१
    पोखरा । ओली नेतृत्वको मन्त्रिमण्डलमा सोमबार सञ्चारमन्त्री नियुक्त पृथ्वीसुव्वा गुरुङ नेपालको संसदीय राजनीतिमा सम्भवतः सबैभन्दा बढी निर्वाचनमा उम्मेदवार बनेका राजनीतिज्ञ…
  • कास्कीकी विद्या शिक्षामन्त्री

    आदर्श समाज सम्वाददाता श्रावण १, २०८१
    तत्कालीन पर्यटन मन्त्री रवीन्द्र अधिकारीको २०७५ फागुनमा हेलिकोप्टर दुर्घटनामा निधन भएसँगै कास्की क्षेत्र २ रिक्त हुन गयो । २०७६ सालको…
  • प्रधानमन्त्रीसहित नवनियुक्त १९ मन्त्रीद्वारा शपथ ग्रहण   

    आदर्श समाज सम्वाददाता असार ३१, २०८१
    काठमाडौं । राष्ट्रपति रामचन्द्र पौडेलले नवनियुक्त प्रधानमन्त्री र १९ मन्त्रीलाई आज पद तथा गोपनीयताको शपथ गराउनुभएको छ । नवनियुक्त प्रधानमन्त्री…

hero news full width