दोषीलाई कारवाही गर्न इन्सेकको माग

आदर्श समाज सम्वाददाता
फागुन ९, २०७४

पोखरा, ८ फागुन। पोखरा-लेखनाथ महानगरपालिका-१४, विजयपुरखोला पुलमा फेला परेको बमबारे समाचार सङ्कलनका लागि त्यहाँ पुगेका गण्डकी टेलिभिजनका घनश्याम पाण्डे र अस्थायी प्रहरी चौकी चाउथेमा कार्यरत प्रहरी जवान कुलबहादुर खत्री बम विष्फोटमा परी घाइते भएको घटनाप्रति कास्कीमा रहेका अधिकारकर्मीर्हरूले ध्यानाकर्षण भएको जनाएका छन्।

अधिकारकर्मीहरूले मंगलबार प्रेस विज्ञप्ति जारी गर्दै नेपालको संविधान तथा कानूनहरूले स्वतन्त्रतापूर्वक पेशाव्यवसाय सञ्चालनगर्न पाउने, बिना रोकतोक आवतजावतगर्न पाउने अधिकार सुरक्षित गरेको हुँदा दोषीलाई पहिचान गरी घटनामा संलग्नकानुनीदायरामाल्याई र्घाईतेहरूको निशुल्कउपचारको ब्यवस्थामिलाउन सरकारसंग माग गरेका छन् ।

बरिष्ठ मानवअधिकारकर्मी टेकनाथ वराल, शान्तिका लागि नागरिक समाजको सञ्जाल पोखराका संयोजक विष्णुप्रसाद वराल, अनौपचारिक क्षेत्र सेवा केन्द्र, इन्सेक पोखरा कार्यालयका संयोजक शिव खकुरेल, मानवअधिकार एलाईन्स कास्कीका अध्यक्ष रामचन्द्र पौडेल, महिला मानवअधिकार रक्षक सञ्जाल कास्की जानकी शर्मा र मानवअधिकार रक्षक संरक्षण तथा प्रबर्द्धन केन्द्र कास्कीका अध्यक्ष सरलाकुमारी पाण्डेद्धारा हस्ताक्षर गरिएको विज्ञप्तिमा बिना अवरोध समाचार सङ्कलन गर्न पाउने सञ्चारकर्मीको अधिकारको सम्मान गर्दै आगामी दिनमा यस्ता गतिविधि नदोहोर्‍याउनसमेत सबै पक्षसंग अनुरोध गरिएको उल्लेख गरिएको छ।

अनौपचारिक क्षेत्र सेवा केन्द्र, इन्सेकले घटनामा घाइते भएका पत्रकार घनश्याम पाण्डेलाई आर्थिक सहयोग समेत गरेको छ। इन्सेक पोखरा कार्यालयका संयोजक शिव खकुरेलले फागुन ८ गते नै गण्डकी शिक्षण अस्पतालमा उपचाररत् पीडितलाई अस्पतालमै भेटी पाँचहजार रुपैयाँ प्रदान गरी घाइतेको अवस्थाकाबारे जानकारी लिएका थिए।

Related News

सम्बन्धित समाचार

  • साझा भाषा नेपाली बनाउन भानुभक्तको योगदान

    आदर्श समाज सम्वाददाता असार २९, २०८१
    पोखरा । आदिकवि भानुभक्त आचार्यले साझा भाषा नेपाली बनाउन अतुलनीय योगदान पु¥याएको यहाँ आयोजित एक कार्यक्रमका वक्ताले उल्लेख गरेका छन्…
  • डेभिज फल सहकारीको १४ औं वार्षिकोत्सवमा रक्तदान

    आदर्श समाज सम्वाददाता असार २९, २०८१
    पोखरा । डेभिज फल बचत तथा ऋण सहकारी संस्था लि., पोखरा–१७ ले १४ औं वार्षिकोत्सव अवसरमा शनिबार रक्तदान कार्यक्रम गरेको…
  • लेकसिटी कलेजमा डिटिटिपी कोर्स

    आदर्श समाज सम्वाददाता असार २७, २०८१
    पोखरा । पोखराको गैरापाटनमा रहेको लेकसिटी कलेज एन्ड रिसर्च सेन्टरले नियमित पठन पाठनका अलावा विद्यार्थीहरुको विकासका लागि इन्टरनेसनल फाउण्डेसन फर…
  • वडा १७ को कार्यालय सारिने

    आदर्श समाज सम्वाददाता असार २७, २०८१
    पोखरा । पोखरा महानगरपालिका–१७ ले चालु आर्थिक वर्षमा ८४ प्रतिशत पुँजीगत र चालुतर्फ ८८ प्रतिशत बजेट खर्च गरेको छ ।…
  • दिपाङमा ४ जनाको सकुशल उद्धार

    आदर्श समाज सम्वाददाता असार २७, २०८१
    पोखरा । दिपाङ तालमा झरीका कारण पानीको सतह बढेपछि डुबानमा परेका एकै घरका ४ जनाको उद्धार गरिएको छ । पोखरा…

hero news full width