पोखरा, ३ फागुन ।पोखरा लेखनाथ महानगरपालिका वडा नं ५ को सिमानामार्ग ढुँगेखोला गैरीटोलमा निर्माण गरिएको ढलान वाटोको विहीवार एक कार्यक्रमबीच उद्घाटन गरिएको छ।

महानगरपालिका तथा स्थानीय उपभोक्ताको संयुक्त लगानीमा ६ लाख ९ सय ७७ रुपैयाँ लागतमा निर्माण भएको ६५ मिटर वाटोको पोखरा लेखनाथ महानगरपालिका वडा नं ५ का वडा अध्यक्ष धनवहादुर नेपालीले उद्घाटन गरे।

उपभोक्ताको अग्रसरतामा नमूना वाटो वनेको र नगरपालिकालाई पनि लगानी गर्न उत्साह वढेको भनाई वडा अध्यक्ष नेपालीको छ।

निर्माण समितिका अध्यक्ष वलराम भण्डारीको अध्यक्षतामा भएको उद्घाटन कार्यक्रममा वडा सदस्य अञ्जु केसी, हरिमाया विक, टोलविकास संस्थाका अध्यक्ष विश्वनाथ पौडेल, सन्ध्या वराल तथा कार्यक्रम संचालन  समितिका कोषाध्यक्ष खेमनाथ शर्मा ‘विनोद’ले गरे ।

कार्यक्रममा आम उपभोक्तामाझ वाटो निर्माणको क्रममा भएको आम्दानी तथा खर्च विवरणलाई अनुमोदन गरिएको थियो।