नेपाल विश्वकप छनोटमा

आदर्श समाज सम्वाददाता
फागुन ३, २०७४

काठमाडौँ, २ फागुन ।क्यानडामाथि एक विकेटको सनसनीपूर्ण जित निकाल्दै नेपालले विश्वकप छनोटमा स्थान बनाएको छ।

नामिबियामा भइरहेको आइसीसी विश्व क्रिकेट लिग डिभिजन टुको अन्तिम लिग खेलमा बुधबार नेपालले क्यानडालाई हराउदै विश्वकप छनोटको खेलमा आफ्नो स्थान पक्का गरेको हो। क्यानडाले नेपाललाई दिएको १९५ रनको चुनौती ९ विकेट खर्चदै अन्तिम बलमा पूरा गरेको थियो। जितसंगै  नेपालले डिभिजन एकमा स्थान पक्का गरेको छ भने वान डे विश्वकप छनोट खेल खेल्न पाउने भएको छ।

नेपालको जितमा करण केसीले उत्कृष्ट प्रदर्शन गरे। १९५ रनको लक्ष पछ्याएको नेपालले १४४ रन जोड्दा ९ विकेट गुमाइसकेको थियो। तर, करणले सन्दिप लामिछानेसंग लोभलाग्दो आक्रामक पारी खेल्दै नेपाललाई जित दिलाए। अन्तिम ओभरमा नेपाललाई ६ बलमा ८ रन चाहिएको थियो र क्रिजमा करण थिए। लगातार चार बलभन्दा उनले रन जोड्न सकेनन्। तर, पाँचौं बल छक्का हान्दै जितको आशा जगाए। अर्को बल वाइड भएसंगै नेपालको खातामा एक रन थपियो र दुबै टिमको स्कोर ड्र भयो। अब अन्तिम बलमा मात्र एक रन चाहियो, जुन करणले सहजै पूरा गरे र नेपाललाई डिभिजन टूको फाइनलसंगै विश्वकप छनोटमा पु‍र्‍याए। ३१ बलको सामना गरेका उनले ३ चौका र चार छक्काको मद्धतमा नटआउट ४२ रन बनाए।

खराव सुरुवातका बाबजुद त्यसबेला नेपालले ३४ ओभरमा ५ विकेट गुमाएर ११५ रन बनाएको थियो। रोहितकुमार पौडेल र आरिफ शेख क्रिजमा जमेका थिए। तर, केहीबेर पानीले खेल रोकियो। पानी रोकिएपछि सुरु भएको खेलमा नेपालले लगातार विकेट गुमायो। नेपालले २९ रन जोड्दा ४ विकेट गुमाएको थियो।

नेपालका लागि दिलिपनाथले ४१ रनको योगदान दिए भने आरके पौडेलले २७,  आरिफ शेखले २६ तथा  दीपेन्द्रसिंह ऐरीले १८ रनको योगदान दिए।  खेलमा कप्तान पारस खड्कासहितको अन्य ब्याट्सम्यान भने चल्न सकेनन् । यसअघि, टस हारेर पहिले ब्याटिङको निम्तो पाएको क्यानडाले ५० ओभर पूरै खेल्दै ८ विकेटको क्षतिमा १९४ रनको योगफल बनाएको थियो।

क्यानडाको लागि सुरुवाती व्याट्सम्यान श्रीमन्था विजेयरत्नेले सतकीय प्रहार गरे। १५२ बल प्रहार गरेका उनले ८ चौकाको मद्वतमा अविजित १०३ रन जोडे। यसअघि, नामिबियाविरुद्ध पहिलो खेल खेल्दा विजेयरत्नेले आठ रन मात्र बनाएका थिए। त्यस्तै, क्यानडाको अर्का व्याट्सम्यान हम्जा तारिकले २४ रन तथा सादविन जाफरले १० रन जोड्नुबाहेक अन्यले दोहोरो अंक जोड्नै सकेनन्।

बलिङतर्फ नेपालका वसन्त रेग्मीले तीन विकेट लिए भने सन्दिप लामिछानेले २ तथा शरद भेषावकरले र करण केसीले समान एक एक विकेट लिए। प्रतियोगिताको पहिलो खेलमा नामिबियामाथि रोमाञ्चक जित निकालेको नेपालले दोस्रो खेलमा ओमानसंग हार व्यहोरेको थियो। यस्तै,  तेस्रो खेलमा युर्एइलाई हराएको थियो। बुधबार नै भएको अर्को खेलमा यूर्एइले नामिबियामाथि १९ रनको जित निकालेको छ र फाइनलसँगै विश्वकप छनोटमा स्थान बनाएको छ।

Related News

सम्बन्धित समाचार

  • वडास्तरीय वडाध्यक्ष कप चापाकोट ४ लाई

    आदर्श समाज सम्वाददाता माघ २३, २०७९
    पोखरा।  माछापुच्छ्रे गाउँपालिका ८, ठाँटी ल्वाङघलेलमा आयोजित गण्डकी प्रदेश अन्तरवडास्तरीय पुरुष भलिबलको उपाधि चापाकोट वडा ४ ले जितेको छ ।…
  • जिएमसी स्पोर्टमा ११ कलेज सहभागी

    आदर्श समाज सम्वाददाता माघ २२, २०७९
    पोखरा । गण्डकी मेडिकल कलेजले आयोजना गरेको ‘जिएमसी स्पोर्ट फेस्ट २०२३’ सकिएको छ । ५ दिनसम्म चलेको उक्त स्पोर्ट मिटमा…
  • आजदेखि बिटी कप

    आदर्श समाज सम्वाददाता माघ २२, २०७९
    पोखरा । बुद्धटोल युवा क्लबको आयोजनामा आइतबारदेखि १६ औं बिटी कप छैटौं वीरेन स्मृति सेभेन ए साइड खुल्ला फुटबल प्रतियोगिता…
  • पोखरामा ९० हजार पुरस्कारको क्यारमबोर्ड प्रतियोगिता हुने

    आदर्श समाज सम्वाददाता माघ २१, २०७९
    पोखरा । पोखरामा ९० हजार पुरस्कार राशीको क्यारमबोर्ड प्रतियोगिता हुने भएको छ । फागुनको ५ र ६ गते हुने प्रतियोगिता…
  • फेन्सिङमा गण्डकीलाई स्वर्ण

    आदर्श समाज सम्वाददाता माघ २१, २०७९
    पोखरा । पोखरा महानगरपालिका खेलकुद विकास समितिले आयोजना गरेको राष्ट्रिय इपी फेन्सिङ प्रतियोगितामा जुनियर पुरुष र महिला विधामा गण्डकीले स्वर्ण…

hero news full width