लाहाचोकको महाशिवरात्री मेला सकियो

आदर्श समाज सम्वाददाता
फागुन ३, २०७४
lahachock photo

हेमजा, २ फागुन ।’पहिचान माछापुच्छे्र गाउँपालिकाको, जगेर्ना धर्म, संस्कृति र पर्यटनको’ भन्ने मूल नाराका साथ माछापुच्छे्र गाउँपालिका-४, लाहाचोकस्थित बानेटाकुर धार्मिक क्षेत्र संरक्षण समितिको आयोजनामा भएको महाशिवरात्री मेला बुधवारबाट सकिएको छ।

समापन समारोहलाई सम्बोधन गर्दै राष्ट्रियसभा सदस्य बिन्द्रा रानाले धर्म संस्कृति सबैको सम्पति भएको चर्चा गर्दै त्यस्तो धर्म संस्कृतिको जगेर्ना गर्नु सबैको समान दायित्व भएको औल्याइन्। सदस्य रानाले माछापुच्छे्र गाउँपालिका पर्यटन र कृषिका क्षेत्रमा अगाडि बढ्न सक्ने जनाउँदै लाहाचोक क्षेत्रमा सिञ्चाईको सहज प्रबन्ध मिलाएर स्थानीय आमा दिदीबहिनीहरु व्यवसायिक खेती प्रणालीतर्फ लाग्नुपर्ने आवश्यकता रहेको बताइन्।

काँग्रेसका नेता शुक्रराज शर्माले धर्म संस्कृतिले समाजलाई सुसस्कृतियुक्त बनाउने टिप्पणी गर्दै आयोजकले महाशिवरात्री मेला गरेर संस्कृतिको जगेर्ना गर्न खोजेको बताए। नेपाली काँग्रेस कास्की सभापति कृष्ण केसीले विभिन्न कठिनाईका बीच मेला सफल बनाएकोमा आयोजनाप्रति धन्यवाद प्रकट गर्दै नेपाली राजनीतिमा दलहरुले हारजितको मानशिकता त्यागी विकासका मुद्दामा एकजुट हुनुपर्ने जनाए।

जिल्ला समन्वय समिति कास्कीका सदस्य विष्णुप्रसाद पौडेलले नेपाल जातीय र सांस्कृतिक पहिचानले भरिपूर्ण देश भएको औल्याए। वडा नं.४ का अध्यक्ष पूर्णबहादुर शाहीले गाउँपालिकामा भएका विविधतालाई सदुपयोग गरी विकास गर्नुपर्ने औंल्याए।

मेला अन्तरगत शिवपुराण, खुल्ला भलिवल प्रतियोगिता, गाउँपालिकास्तरिय नौमती बाजा प्रतियोगिता, खुल्ला भजन चुड्का प्रतियोगिता, खुल्ला रत्यौली प्रतियोगिता, लोकदोहोरी प्रतियोगिता, लोपउन्मुख भदौरे भाखा हुरी गीत प्रतियोगिता, नौमति बाजामा नृत्य प्रतियोगिता सम्पन्न भएका छन्।

जसमा भलिवलतर्फ मिलन युवा क्लव धम्पुस प्रथम र संरक्षण युवा क्लव धाप्राङ मादी गाउँपालिका द्वितिय भएका छन्। त्यस्तै, रत्यौली प्रतियोगितातर्फ खास्टेताल आमा समूह लेखनाथ प्रथम, अन्नपूर्ण महिला प्राङ्गारिक समूह घाचोक द्वितिय, लोकदोहोरी गीत प्रतिष्ठान हेमजा तेस्रो, गौरीशंकर आमा समूह घाचोक सान्त्वना तथा घाचोक आमा समूह र लोकदोहोरी गीत प्रतिष्ठान लाहाचोक क्रमशः पाँचौ र छैटौं स्थान हात पार्न सफल भएका छन्।

त्यस्तै, खुल्ला भजन चुड्का प्रतियोगितामा देवीस्थान भजन समूह हेमजा प्रथम, माछापुच्छे्र सेवा समाज हेमजा दोस्रो, करुणानिधी माध्यमिक विद्यालय पोखरा सिम्पानी तेस्रो र गौरीशंकर भजन समूह घाचोक चौथो भएका छन्। त्यस्तै, झाँकीतर्फ माछापुच्छे्र सेवा समाज प्रथम, राममन्दिर सिर्जना समूह द्वितिय, नौमती बाजाको लाखे समूह तृतीय र सुनौलो पाटन आमासमूह सान्त्वना भएका छन्।

त्यस्तै, पन्चेबाजा प्रतियोगितातर्फ अस्ताम नौमती बाजासमूह प्रथम, घाचोक नौमती बाजासमूह दोस्रो र लाहाचोक नौमती बाजासमूह तेस्रो हुन सफल भएका छन्। समापनको दिन बुधवार लोकदोहोरी कलाकारहरु रामजी खाँड, पार्वती जिसी, प्रेमराज अधिकारी, तुलसा जिसी, बसन्ती थापा, रनु गुरुङ, श्रीराम अधिकारी र परशुराम अधिकारीले आ-आफ्ना प्रस्तुतीहरु राखेका थिए।

मेला संयोजक पानबहादुर जिसीले सबैको सहयोगबाट मेला सम्पन्न भएको जनाउँदै आगामी वर्षका मेलालाई थप व्यवस्थित गरिदैं लैजाने प्रतिबद्घता जनाए। उनले ६० हजार दर्शकले मेला अवलोकन गरेको बताए।

कार्यक्रममा शिवपुराणका अलावा ग्रहशान्ति, चौरासीपूजा, ब्रतबन्ध लगायतका धार्मिक कर्महरु पनि गरिएको थियो। जेष्ठ नागरिक बहुउद्देश्यीय भवन निर्माणका अलवा सांस्कृतिक तथा धार्मिकस्थलहरुको जगेर्ना गर्ने, सांस्कृतिक र धार्मिक पर्यटनको विकास साथै व्यवसायिकतालाई पछ्याउने, बाटोघाटो र सार्वजनिक सम्पत्तिको संरक्षण एवम् सरसफाईमा केन्द्रीत हुने मूल उद्देश्यमा मेला सफल भएको आयोजकले दावी गरेको छ। मेलाको थप आकर्षणका रुपमा गाउँपालिकाका प्राकृतिक एवम् धार्मिकस्थलहरुको हेलिकप्टरमार्फत दृश्यावलोकन पनि गराइएको थियो। मेला संयोजक पानबहादुर जिसीको अध्यक्षतामा सम्पन्न समापन समारोहमा नेपाली काँग्रेस माछापुच्छे्र गाउँपालिकाका संयोजक मधुसुदन अधिकारीले स्वागत स्थानीय समाजसेवी विदुरचन्द्र ढकालले कार्यक्रम सञ्चालन गरेका थिए।

Related News

सम्बन्धित समाचार

  • दसैँँका लागि घर सजाउँदै

    रासस असाेज १४, २०७९
    दोधारा चाँदनी । यतिबेला कञ्चनपुरका थारु समुदायका महिलाहरु दसैँँका लागि घर सजाउन व्यस्त छन् । अहिले घर चिटिक्क पार्ने, आँगन…
  • पत्रकार आचार्य र जोशी सम्मानित

    आदर्श समाज सम्वाददाता असाेज १३, २०७९
    नेपालगञ्ज । हरिजमुना स्वतन्त्र पत्रकारिता पुरस्कार पत्रकार रामप्रसाद आचार्यलाई प्रदान गरिएको छ । त्यस्तै, सिर्जनशील पत्रकारिता पुरस्कार निशु जोशीलाई प्रदान…
  • सृजना विकास केन्द्रमा कृष्ण थापा

    आदर्श समाज सम्वाददाता असाेज १२, २०७९
    पोखरा । सृजना विकास केन्द्रको ४५ औं साधारण सभाले अध्यक्षमा कृष्णबहादुर थापालाई निर्वाचित गरेको छ । अध्यक्षका प्रत्यासी चन्द्र गिरिलाई पराजित…
  • कर फिर्ताको निर्णयमा गण्डकी कांग्रेसको स्वागत

    आदर्श समाज सम्वाददाता असाेज ९, २०७९
    पोखरा । नागरिकको मागलाई सम्बोधन गर्दै गण्डकी प्रदेश सरकारले करका दर समायोजन गरेकामा नेपाली कांग्रेस गण्डकीले स्वागत गरेको छ ।…
  • व्याकुल माइलालाई  मासिक ५० हजार, सत्यमोहनलाई एक नर्स

    आदर्श समाज सम्वाददाता असाेज ९, २०७९
    पोखरा ।  सरकारले राष्ट्रिय गानका रचयिता प्रदीपकुमार राई (व्याकुल माइला) लाई सहज जीवन यापनको लागि मासिक ५० हजार रुपैयाँ उपलब्ध…

hero news full width