ओझा र लायन्स क्लब अफ पोखरा डल्फिनद्वारा अक्षयकोष स्थापना

आदर्श समाज सम्वाददाता
माघ २४, २०७४
Saichhik Samagri bitaran Phtoo

पोखरा २३, माघ। तनहुँ, भिमाद नगरपालिका-५, मिछुर्लुङ्ग स्थित नर प्राविका पूर्व प्रधानाध्यापक एवम् पोखरा लेखनाथ १४ निवासी विश्वनाथ ओझा र लायन्स क्लब अफ पोखरा डल्फिनद्वारा सोही विद्यालयमा १ लाख रुपैयाँको अक्षयकोष स्थापना गरिएको छ।

अक्षयकोषबाट आम्दानी रकम जेहेन्दार विद्यार्थीलाई छात्रवृत्ती प्रदान एवम् भौतिक सामानहरुको संरक्षण गर्ने उद्देश्य रहेको कार्यक्रम संयोजक शंकर ओझाले बताएका छन्।

सोही कार्यक्रममा लायन्स क्लब र विभिन्न व्यक्तिहरुको सहयोगमा विद्यालयलाई ३ थान कम्प्युटर, विद्यार्थीलाई शैक्षिक सामग्री, लाइब्रेरीको लागि आवश्यक पुस्तक तथा सामग्री, विभिन्न खेलकुद सम्बन्धी सामग्री गरि ३ लाख ५० हजार बराबरको शैक्षिक सामग्री पनि हस्तान्तरण गरिएको थियो।

कार्यक्रममा बोल्दै पूर्व प्रधानाध्यापक ओझाले आफ्नो विगतको मेहनतले मात्र विद्यालयप्रति योगदान नपुगेको बताउँदै आफ्नो सानो सहयोगले विद्यालयको संरक्षण र जेहेन्दार विद्यार्थीलाई केही राहात पुग्ने विश्वास व्यक्त गरे।

कार्यक्रम संयोजक शंकर ओझाले सहयोगी भावनाले नै क्लब स्थापना भएको हुँदा यस्ता सहयोगलाई निरन्तर अगाडि बढाइरहने बताउँदै सबै सहयोगी मनहरुप्रति कृतज्ञता व्यक्त गरे।

प्रमुख अतिथि डिस्ट्रिक ३२५ बि १ का फस्ट भिडीजी अशोक श्रेष्ठ सम्पन्न कार्यक्रमको अध्यक्ष ऋषि गिरी गरेका थिए भने सञ्चालन डासिराम सापकोटाले गरेका थिए।

अक्षयकोष दाता ओझा सोही विद्यालयमा करिब १४ वर्ष अध्यापन गरेका थिए भने विद्यालयमा हाल ६२ जना विद्यार्थी अध्ययनरत रहेका छन्।

Related News

सम्बन्धित समाचार

  • सुनौली–मुक्तिनाथ धार्मिक मार्ग यात्रा सुरू

    आदर्श समाज सम्वाददाता वैशाख ७, २०८१
    पोखरा । कृष्ण गण्डकी शालिग्राम पर्यटन प्रतिष्ठान आयोजनामा नेपाल–भारत सिमानाको सुनौलीबाट सुनौली–मुक्तिनाथ धार्मिक मार्ग यात्रा सुरू भएको छ । कालीगण्डकी…
  • प्रदेश सरकार उलटपुलट

    आदर्श समाज सम्वाददाता वैशाख ७, २०८१
    पोखरा । पछिल्लो राजनीतिक घटनाक्रमले प्रदेश सरकारहरु अस्थिर बनेका छन् । केन्द्रमा सत्तागठबन्धनको समीकरण फेरिँदा त्यसको असरले विगतमा राम्ररी सञ्चालन…
  • दृष्टिविहीनलाई बाटो देखाउँदै गुगल

    धनबहादुर गुरुङ वैशाख ४, २०८१
    पोखरा। ‘सेतो छडीले बाटो देखाउँछ तर ठाउँ चिन्दैन । आफू कुन ठाउँमा छु भनी सोध्न अरुलाई सोध्नुपर्ने बाध्यता थियो ।…
  • रुपाको अस्पताल र स्वास्थ्य बिमा बोर्डबीच सम्झौता

    आदर्श समाज सम्वाददाता वैशाख ४, २०८१
    पोखरा । कास्कीको रुपा गाउँपालिले पालिकास्तरीय अस्पताललाई स्वास्थ्य बिमासँग जोडेको छ । सोमबार अस्पताल र बोर्डबीच सम्झौता गरिएको हो ।…
  • युनाइटेडद्वारा शैक्षिक तथा खेल सामग्री वितरण

    आदर्श समाज सम्वाददाता वैशाख ३, २०८१
    पोखरा । युनाइटेड क्लब पोखराले पोखरा २७ अर्चलेमा रहेको कवि शिरोमणि लेखनाथ आधारभूत विद्यालयमा शैक्षिक सामग्री वितरण गरेको छ ।…

hero news full width