पराजुली र भण्डारीको सम्मान

आदर्श समाज सम्वाददाता
माघ १५, २०७४
ganga

पोखरा, १४ माघ  : न्यूनतम पारिश्रमिक निर्धारण समितिका नवनियुक्त अध्यक्ष गंगाधर पराजुली र सदस्य विमला भण्डारीलाई पोखरामा आइतबार सम्मान गरिएको छ ।

पोखराको पत्रकारितामा क्रियाशील रही सञ्चार क्षेत्रको एउटा महत्वपूर्ण जिम्मेवारी प्राप्त गरेकोमा नेपाल पत्रकार महासंघ, कास्कीले महासंघको सभाहलमा एक कार्यक्रम गरी उनीहरुलाई सम्मान गरेको हो ।

पत्रकार महासंघ, कास्कीका अध्यक्ष दीपेन्द्र श्रेष्ठले पराजुली र भण्डारीले प्राप्त गरेको यो जिम्मेवारी पोखरेली सञ्चारकर्मीका लागि गौरवको विषय भएको उल्लेख गरे।

नवनियुक्त अध्यक्ष एवं सदस्यबाट आम सञ्चारकर्मीले गरेको अपेक्षालाई केही न केहीमात्रामा सम्बोधन हुने विश्वास उनले व्यक्त गरे।

समिति अध्यक्ष पराजुलीले यसअघि विसं २०७२ साउनमा निर्धारण भएको न्यूनतम पारिश्रमिक त्यसयता पुनरावलोकन नभएको बताउँदै त्यसलाई समयसापेक्ष बनाउँदै कार्यान्वयनका लागि पहल गर्ने बताए।

नेपालमा करिब ३८ प्रतिशतले मात्र न्यूनतम पारिश्रमिक प्राप्त गरेको तथ्यांकले देखाएको बताउँदै उनले सञ्चारसम्बद्ध क्षेत्र एवं निकायबीच समन्वय गरी यसको सफल कार्यान्वयनका लागि लाग्ने प्रतिबद्धता व्यक्त गरे।

न्यूनतम पारिश्रमिक निर्धारण समितिका सदस्य विमला भण्डारीले यसअघिको समितिले गरेका कामलाई निरन्तरता एवं नयाँ कार्ययोजनाका साथ अघि बढ्ने बताइन् ।

कार्यक्रममा पत्रकार महासंघका केन्द्रीय सदस्य रामकृष्ण ज्ञवाली, प्रेस युनियनका केन्द्रीय उपाध्यक्ष एवं पत्रकार महासंघ कास्कीका सल्लाहकार रमेश पौडेल, महासंघ कास्कीका पूर्वअध्यक्षद्वय रवीन्द्र बास्तोला र पुण्य पौडेल, पूर्वसचिव नवराज सुवेदी लगायत बोलेका थिए ।

Related News

सम्बन्धित समाचार

  • स्पोर्टस् अवार्डलाई लगातार सहयोग

    आदर्श समाज सम्वाददाता चैत्र ७, २०७९
    पोखरा । पोखरा स्पोर्टस् अवार्डको सातौं संस्करणलाई पनि पोखरा रामबजारको पुन परिवारले साथ दिएको छ । सेनानी हेमबहादुर पुनको स्मृतिमा…
  • डिजिटल पेडागोजीसम्बन्धी कार्यशाला

    आदर्श समाज सम्वाददाता चैत्र ७, २०७९
    पोखरा । प्रविधि मैत्री शिक्षक समाज नेपाल गण्डकी प्रदेशले डिजीटल पेडागोजीसम्बन्धी कार्यशाला गरेको छ । शिक्षकका लागि प्रविधिमा पहुँचब पु¥याउन,…
  • दीपशिखा र ट्याग परियोजनाबीच सम्झौता

    आदर्श समाज सम्वाददाता चैत्र ७, २०७९
    पोखरा । दीपशिखा पुस्तकालय र ट्याग परियोजनाबीच सम्झौतापत्रमा हस्ताक्षर भएको छ । रिड नेपालअन्तर्गत टेक एज गल्र्स (ट्याग) ट्याग नेपाल…
  • संस्कार समाज नेपालद्वारा सम्मान

    आदर्श समाज सम्वाददाता चैत्र ५, २०७९
    पोखरा । संस्कार समाज नेपालको पाँचौ वार्षिकोत्सव अवसरमा ३ जना व्यक्तिलाई सम्मानित एवं पुरस्कृत गरियो । पोखरामा आयोजित कार्यक्रममा समाजसेवी…
  • प्रहरीले नागरिकसँग कस्तो व्यवहार गर्ने ?

    आदर्श समाज सम्वाददाता चैत्र ५, २०७९
    पोखरा । वडा प्रहरी कार्यालय बैदामका प्रहरी कर्मचारीलाई प्रभावशाली सञ्चार एवं सेवाग्राहीसँग गर्नुपर्ने व्यवहारसम्बन्धी अभिमुखीकरण भएको छ । वडा प्रहरी…

hero news full width