एकै खेलमा १० कार्ड

आदर्श समाज सम्वाददाता
माघ १४, २०७४
football

सम्भवतः एकै टीमका खेलाडीलाई यति धेरै कार्ड पहिलो पटक पोखरा रंगशालामा प्रयोग भएको छ। तनावपूर्ण खेलमा ८ पहेंलो कार्ड र २ रेड कार्ड प्रयोग भएको छ। श्रवण लामा चोटपछि १८ औं मिनेटमा बाहिरिएसँगै सो जिम्मेवारी लिएका रेफ्री सुदीशकुमार पाण्डेले बंगलादेशका ६ खेलाडीलाई पहेंलो कार्ड देखाउँदा यीमध्ये जनाले २ रातो कार्ड पाए भने सुदूरपश्चिमका २ खेलाडीले पहेंलो कार्ड व्यहोरे।

२-१ गोलले अग्रता लिएपछि सम्हालिनुपर्ने बंगलादेश उल्टै आक्रामक बन्यो। बल प्रहार गर्दा विपक्षीलाई लडाउने तथा तान्ने गरेपछि रेफ्री पाण्डेले ९० मिनेटको निर्धारित समय सकिएर थपिएको ५ मिनेटको पहिलो मिनेटमा बंगलादेशका काण्डे लानसानेलाई दोस्रो पहेंलो कार्ड दिँदै मैदान बाहिर पठाए।

काण्डेलाई रातो कार्ड दिएकोमा रिसाएका बंगलादेशी खेलाडी एकपछि अको गरी कार्ड पाए। गलत ट्याकल गरेपछि पहेंलो कार्ड ब्यहोरिसकेका सिल्ला सोन्लेमेनले अन्तिम इन्जुरी मिनेटमा रेफ्रीलाई अपशब्द बोलेपछि उनलाई सिधँै रातो कार्ड देखाइएको थियो। लगातार दुर्इ खेलाडीले लगातार रातो कार्ड पाएपछि बंगलादेशी खेलाडीले विरोध जनाउँदै खेल छाड्ने चेतावनी दिए भने बंगलादेशी अफिसियल विरोध जनाउँदै मैदान प्रवेश गर्ने प्रयास गरे। यो विवादले खेल नै रोकियो। विवादपछि इन्जुरी समयमा थपिएको ५ मिनेटको खेल धेरै बेर खेलाएकाले बंगलादेशी खेलाडीको आपत्ति रह्यो।

बंगलादेशका प्रशिक्षक महबुब आलम मनिकले खेल राम्रो भए पनि रेफ्रीले एकतर्फी खेल खेलाएको आरोप लगाए। केही बोल्नेवित्तिकै वा सामान्य ट्याकलमा पनि कार्ड दिएर खेलाडीलाई उत्तेजित बनाएको उनको आरोप थियो। टीम को-ओर्र्डिनेटर हसन महमदले खेल राम्रो भए पनि अन्तिममा रेफ्रीले गलत निर्णय गरेको आरोप लगाए। उनले खेलाडीले रेफ्रीलाई नराम्रो नगरेको तर रेफ्रीले गलत निर्णय गर्दा स्वभाविक रुपमा विरोध जनाएको दाबी गरे। पोखरामा पहिलो पटक आएको उक्त क्लबका पदाधिकारीले आफूहरुलाई चित्त नबुझेको गुनासो गरे। अब बंगलादेशी टीमका २ मुख्य खेलाडी माघ १७ मा हुने पहिलो सेमिफाइनलमा नेपाल पुलिस वा थ्रिस्टारको सामना गर्नेछ। उनीहरुबीच तेस्रो क्वाटर माघ १५ मा हुनेछ।

सुदूरपश्चिमका प्रशिक्षक सुरेश हमालले खेल राम्रो खेले पनि फिनिसिङ कमजोरीका कारण हार बेहोर्नुपरेको प्रतिक्रिया दिए। ‘पेनाल्टी गुमाउँदा नै नतिजा ठ्याक्कै उल्टियो नि’ भन्ने प्रश्नमा उनले पोखराकै भएका कारण धीरज गुरुङलाई दिएको, बुबाआमा नभएको उदीयमान युवाले आफ्नो होमग्राउण्डमा छाप छाडोस् भन्ने मौका दिए पनि सदुपयोग नहुँदा दुःख नलागेको उनको भनाइ थियो।

प्रतियोगिताअन्तर्गत आइतबार दोश्रो क्वाटरफाइनलमा त्रिभुवन आर्मी क्लब र धरान फुटवल क्लबबीच प्रतिष्पर्धा हुनेछ। धरानको यो १४ औं सहभागिता हो। उसले पहिलो खेलमा पाहुना टोली युनाइटेड सिक्किम एफसीलाई ३-० गोलले पराजित गरेको थियो। आर्मी भने सिधैँ बाइ पाएर पहिलो खेल खेल्दैछ। गत वर्ष आयोजक सहारा क्लबसँग सेमिफाइनलमा टाइब्रेकरमा हारेको आर्मीको यो ११ औं सहभागिता हो। १४ औं, सातौं र आठौं संस्करणमा गरी आर्मीले ३ पटक फाइनल पुगे पनि उपाधि विमुख छ।

Related News

सम्बन्धित समाचार

  • पाठकलाई प्रदेश खेलकुद परिषद् गण्डकीको नि.सदस्यसचिव जिम्मेवारी

    आदर्श समाज सम्वाददाता असाेज ५, २०८०
    पोखरा, ५ असोज । प्रदेश खेलकुद परिषद् गण्डकीको निमित्त सदस्यसचिवको जिम्मेवारी पत्रकार केशव पाठकले पाएका छन् । सदस्यसचिव श्रीधर शर्मा…
  • राइनास–५ लाई भलिबल उपाधि

    आदर्श समाज सम्वाददाता असाेज ५, २०८०
    लमजुङ । जिल्लास्तरीय अन्तरवडा भलिबल प्रतियोगिताको उपाधि राइनास नगरपालिका–५ ले जितेको छ । फाइनलमा मध्यनेपाल नगरपालिका–५ लाई ३–२ सेटले पराजित…
  • हेमजा गोल्डकपको तयारी

    आदर्श समाज सम्वाददाता असाेज ५, २०८०
    पोखरा । हेमजामा सातौं संस्करणको अन्तर्राष्ट्रिय हेमजा गोल्डकपको तयारी थालिएको छ । हेमजा युनाइटेडको आयोजनामा आउँदो कात्तिक ११ देखि १८…
  • लामाचौर कप जारी : न्यु डायमन्ड र पुलिस शीर्षस्थानमा

    आदर्श समाज सम्वाददाता भाद्र ३१, २०८०
    पोखरा । नवआदर्श सामुदायिक विकास समाज (नाकोड्स) को आयोजनामा शुक्रबारदेखि सुरु भएको लामाचौर कप राष्ट्रिय महिला तथा पुरुष भलिबल जारी…
  • न्यु डायमण्ड २ खेलमा विजयी

    आदर्श समाज सम्वाददाता भाद्र ३१, २०८०
    पोखरा । न्यु डायमण्ड युथ स्पोर्टर्स क्लबले लामाचौर कप भलिबल प्रतियोगिताअन्तर्गत २ खेलमा जित दर्ता गरेको छ । नवआदर्श सामुदायिक विकास…

hero news full width