पण्डित पूरोहितलाई आचारसंहिता

आदर्श समाज सम्वाददाता
माघ ३, २०७४

लमजुङ, २ माघ। जिल्लामा धार्मिक कार्य गराउँदै आएका पण्डित पूरोहितले आचारसंहिता जारी गरेका छन्। विश्व हिन्दू महासंघ लमजुङको भातृसंगठन, वैदिक कर्मकाण्ड संघ जिल्ला समिति लमजुङले आचारसंहिता तयार पारेको हो।

पूरोहितलाई आचरण, मर्यादा, अनुशासन र राम्रो चालचलनमा राख्न आचारसंहिताको आवश्यक देखिएकोले यसो गरिएको ज्योतिष परिषका केन्द्रीय उपाध्यक्ष तथा विश्व हिन्दू महासंघका जिल्ला अध्यक्ष पं. घनश्याम सुवेदीले बताए। उनका अनुसार पूरोहितले पालना गर्नुपर्ने १३ वटा र गर्न नहुने कार्य ९ बुँदा आचारसंहितामा समेटिएको छ।

उक्त आचारसंहितमा पूरोहितको खानपिन, लबाई, बानी व्यहोराजस्ता विषयमा जोड दिइएको छ। पण्डित पूरोहितले पालना गर्नुपर्ने आचरणमा रीतिरिवाज र कर्मकाण्डको महत्व बुझ्ने र बुझाउने, धर्मशास्त्रको प्रमाण राखेरमात्र धर्मशास्त्रका विषयमा निर्णय दिने उल्लेख छ।

यसैगरी, शुद्ध वस्त्र पहिरिनुपर्ने, सधैँ सत्य वचन बोल्ने, अनुशासन पालना, मीठा शब्द बोल्ने, सदा प्रशन्न रहने लगायत रहेको ज्योतिष परिषदका जिल्ला सचिव कमल अधिकारीले बताए।

उनका अनुसार विश्व हिन्दू महासंघ र वैदिक कर्मकाण्ड महासंघले स्वीकृत गरेका पुस्तकबाट मात्र कर्मकाण्ड गर्ने गराउने, अन्य पुस्तकबाट गर्न नपाउने, फोन मोवाइल मार्फत तन्त्रमन्त्र पाठ गर्न नपाइने, शास्त्रले निषेध गरेको समयमा विवाह, ब्रतबन्ध, घरवास्तु आदि यज्ञादि नगर्ने, गर्न नदिने आचारसंहितामा उल्लेख छ।

यसैगरी, कर्मकाण्डलाई एकरुपता ल्याउन र शुद्ध कर्मकाण्ड गर्न प्रशिक्षण दिने र सम्पूर्ण çकारको घरमा çकारको झण्डा राख्नुपर्ने, कर्मकाण्ड शुरु गर्दार्र् इश्वर साक्षी राखेरमात्र गर्ने, पूरोहितको ब्राम्हण पोशााक, टीका, टुप्पीमा शिखा अनिवार्य हुनुपर्ने, कर्मकाण्डको राम्रो अध्ययन गर्ने र प्रशिक्षण लिने, तिथि नक्षत्रको राम्रो विचार पुर्‍याउनुपर्ने बुँदा रहेको कार्यक्रमका अध्यक्ष तथा ज्योतिष परिषदका जिल्ला अध्यक्ष शाल्रि्राम अधिकारीले बताए। यस्तै, सबैको भलो चिताउने र सामाजिक कार्यमा अग्रसर रहने उल्लेख छ।

उता, पण्डितले गर्न नहुने कार्यमा जो कसैको निन्दा नगर्ने, धूमपान, खैनी, सुर्ती, मदिराजन्य पदार्थ सेवन गर्न नपाइने, अपवित्र भैसकेको कपडा लगाएर पूजापाठ, यज्ञमा सहभागी नजाने, हिंसा नगर्ने, भएको ठाउँमा नजाने, असौच पर्दा यज्ञादिमा वरणी नहुने, जुठोमा काम गर्दागर्दैर्को ब्राम्हण शुभ यज्ञमा जान नहुने उल्लेख छ।

ज्योतिष परिषदका उपाध्यक्ष भन्द्रकाली पोखरेलले पूरोहित मर्यादा र अनुशासनमा रहेमा त्यसको प्रभाव समाजमा पर्ने र जनसमुदायलाई पनि अनुशासनमा राख्न सहज हुने भएको हुँदा आचारसंहिता जारी गरिएको बताए।

Related News

सम्बन्धित समाचार

  • गुरुङ ब्युटीपार्लरमा मेहेन्दी मेला

    आदर्श समाज सम्वाददाता श्रावण १, २०८१
    पोखरा । गुरुङ ब्युटीपार्लर एवं एकेडेमी, पोखरामा मेहेन्दी मेला सुरु भएको छ । एकेडेमीको न्यूरोडस्थित प्रागंणमा साउनलक्षित मेला ३० असारदेखि…
  • न्यायपालिकाको पञ्चवर्षीय रणनीतिक योजना सार्वजनिक

    रासस श्रावण १, २०८१
    काठमाडौं । न्यायपालिकाको पाँचौं पञ्चवर्षीय रणनीतिक योजना (२०८१/८२–२०८५/८६) सार्वजनिक गरिएको छ । प्रधानन्यायाधीश विश्वम्भरप्रसाद श्रेष्ठले मंगलबार योजना सार्वजनिक गर्दै न्यायपालिका…
  • गण्डकीका संस्थापक मुख्यमन्त्री बने सञ्चारमन्त्री

    आदर्श समाज सम्वाददाता श्रावण १, २०८१
    पोखरा । ओली नेतृत्वको मन्त्रिमण्डलमा सोमबार सञ्चारमन्त्री नियुक्त पृथ्वीसुव्वा गुरुङ नेपालको संसदीय राजनीतिमा सम्भवतः सबैभन्दा बढी निर्वाचनमा उम्मेदवार बनेका राजनीतिज्ञ…
  • कास्कीकी विद्या शिक्षामन्त्री

    आदर्श समाज सम्वाददाता श्रावण १, २०८१
    तत्कालीन पर्यटन मन्त्री रवीन्द्र अधिकारीको २०७५ फागुनमा हेलिकोप्टर दुर्घटनामा निधन भएसँगै कास्की क्षेत्र २ रिक्त हुन गयो । २०७६ सालको…
  • प्रधानमन्त्रीसहित नवनियुक्त १९ मन्त्रीद्वारा शपथ ग्रहण   

    आदर्श समाज सम्वाददाता असार ३१, २०८१
    काठमाडौं । राष्ट्रपति रामचन्द्र पौडेलले नवनियुक्त प्रधानमन्त्री र १९ मन्त्रीलाई आज पद तथा गोपनीयताको शपथ गराउनुभएको छ । नवनियुक्त प्रधानमन्त्री…

hero news full width