नेरेसो पोखरा ७ मा बराल

आदर्श समाज सम्वाददाता
माघ ३, २०७४
Redcross PKR-7 (3)

पोखरा, २ माघ। नेपाल रेडक्रस सोसाइटी पोखरा ७ उपशाखाको चौधौ साधारणसभा तथा सातौं अधिवेशनले दामोदर बरालको सभापतित्वमा नयाँ कार्यसमिति चयन गरेको छ।

सदस्यमा भोजराज बराल, राममोहन आचार्य, अनुपा बराल, शारदा गिरी, दुर्गाराज बराल, गणेश श्रेष्ठ, ध्रुवराज बराल र दीपक कार्की रहेका छन्। सदस्यको पद विभाजन पहिलो बैठकले गर्ने प्रावधान रहेको छ।

नेपाल रेडक्रस सोसाइटी कास्की जिल्ला शाखाका मन्त्री कृष्ण तिमिल्सिना संयोजक तथा लक्ष्मण कोइराला र मोहनसिंह खड्का सदस्य रहेको निर्वाचन समितिले निर्वाचित सदस्यलाई शपथ ग्रहण गराए।

यसअघि साधारणसभाको उद्घाटन गर्दै प्रमुख अतिथि नेपाल रेडक्रस सोसाइटी कास्की जिल्ला शाखाका उपसभापति डण्डराज शर्मा पौडेलले कास्की जिल्लाका उत्कृष्ट उपशाखामा सधैं अग्रपंक्तिमा रहन सफल यस उपशाखाका गतिविधिहरुको प्रशंसा गर्दै आगामी दिनमा पनि मानवीय सेवामा समर्पित रहँदै अगाडि बढ्नको लागि प्रेरित गरेका थिए।

कार्यक्रममा नेरेसो कास्की जिल्ला शाखाका मन्त्री कृष्ण तिमिल्सिना, पोखरा ७ का वडाध्यक्ष रामचन्द्र बराल, संस्थापक सभापति चूडामणि बराल, एमाले वडा कमिटी ७ का अध्यक्ष पुरुषोत्तम रेग्मी, नेका वडा इकाई ७ का सभापति नवीनराज बराल, माओवादी केन्द्रका जनकराज पराजुली, सल्लाहकार तथा पूर्व सभापति तेजनारायण अधिकारी, सल्लाहकार तथा नागरिक समाज पोखराका संयोजक रामबहादुर पौडेल, सल्लाहकार शोभाचन्द्र बराल, पोखरा पिस क्लबका अध्यक्ष सुजन बराल, महिला क्लब पोखरा ७ का अध्यक्ष मीना बराल लगायत बोलेका थिए।

सो अवसरमा नयाँ आजीवन सदस्यलाई आजीवन सदस्यताको प्रमाणपत्र वितरण गरिनुका साथै श्री कृष्ण माध्यमिक विद्यालयका जेहेन्दार एक छात्र/ एकछात्रालाई प्रदान गरिँदै आएको छात्रवृत्ति पुरस्कार समेत प्रदान गरिएको थियो। सभापति ठाकुरप्रसाद बरालको अध्यक्षतामा सम्पन्न कार्यक्रममा स्वागत उपसभापति प्रभा पन्त, रेडक्रसको सातसिद्धान्त वाचन सदस्य महाकाली बराल र सञ्चालन सचिव दामोदर बरालले गरेका थिए।

Related News

सम्बन्धित समाचार

    • पोखराको मेयरमा एकीकृत समाजवादीको अग्रता

      विजय नेपाल जेठ १, २०७९
      पोखरा, १ जेठ । पोखरा महानगरपालिकाको मेयरमा सत्ता गठबन्धनका उम्मेदवारले अग्रता लिंदा उपमेयरमा एमालेले अग्रता कायम राखेको छ । आइतबार…
    • अम्बिका भागवत् फाउन्डेसनको सहयोग

      आदर्श समाज सम्वाददाता वैशाख २६, २०७९
      पोखरा । अम्बिका भागवत् फाउन्डेसन पोखराको आयोजनामा पोखरा–३१, आनन्दज्योति माविमा विद्यार्थीलाई स्कुल ड्रेस र शैक्षिक सामग्री वितरण गरिएको छ ।…
    • गठबन्धनले सबैभन्दा फाइदा कांग्रेसलाईः देउवा

      प्रकाश ढकाल वैशाख २६, २०७९
      पोखरा । नेपाली कांग्रेसका सभापति शेरबहादुर देउवाले गठबन्धन बनेपछि कांग्रेसलाई देशैभरि फाइदा भएको बताएका छन् । देशभर सरकार गठन गठबन्धनका…
    • डिप्लोमा इन्जिनियर्समा अनिल

      आदर्श समाज सम्वाददाता वैशाख २४, २०७९
      पोखरा । डिप्लोमा इन्जिनियर्स एसोसिएसन नेपाल (डिन), कास्कीले शुक्रबार ११ औं जिल्ला अधिवेशन सम्पन्न भएको छ । अधिवेशनले अनिलप्रसाद आचार्यको…
    • ‘महानगरका पाँच वर्ष’ विमोचन

      आदर्श समाज सम्वाददाता वैशाख २३, २०७९
      पोखरा । पोखरा महानगर बनेपछि जनप्रतिनिधिले जिम्मेवारी सम्हालेको ५ वर्ष पुग्नै लागेको छ । यस अवधिमा महानगरले गरेका नीतिगत निर्णय,…

    hero news full width