प्रदेश प्रमुख र अस्थायी राजधानी तोक्न सरकारको अलमल

आदर्श समाज सम्वाददाता
माघ १, २०७४

काठमाडौ ३० पुस । निर्वाचन सम्पन्न भएको लामो समयपछि पनि नयाँ सरकार गठन हुन नसकेको भन्दै सर्बत्र आलोचना भइरहेको बेला सरकारले प्रदेश प्रमुख र अस्थाई केन्द्र तोक्नेमा समेत अलफल भइरहेको छ । गत शुक्रबारको मन्त्रीपरिषद् बैठकबाट यसबारेमा निर्णय हुने बताइए पनि सरकारले अझै पनि प्रदशे प्रमुख र अस्थाई केन्द्र तोक्न सकेको छैन ।

सरकारले सोमबारको मन्त्रीपरिषद बैठकबाट यसबारेमा निर्णय गरिने चर्चा रहेपनि अझै केही दिन लाग्ने सरकारका मन्त्रीहरुले भने बताइरहेका छन् । दलहरुसंगको परामर्श बाँकी रहेको भन्दै प्रधानमन्त्रीले यसबारेमा निर्णय गर्न अझै केही समय लगाउने देखिएको छ । यता, निर्वाचन आयोगले भने प्रदेश प्रमुख तोक्न र अस्थाई राजधानी बारे निर्णय गर्ने सरकारलाई पटक पटक आग्रह गर्दै आएको छ । यसका लागि आयोगले सरकारलाई पत्र नै लेखेर ध्यानकर्षण गराएको थियो । आयोगको लगतारको दवावले सरकारले तत्काल प्रदेश प्रमुख र केन्द्र निर्धारण गर्न बाध्य बनाउने अनुमान गरेपनि सरकारले अझै केही समय लगाउने देखिएको छ ।

प्रदेश प्रमुख नतोक्दा निर्वाचन आयोगले माघ ९ गतेको लागि तय भएको राष्ट्रियसभा सदस्य निर्वाचनको लागि मतदाताको नामावली प्रकाशन गर्ने कार्यतालीका प्रभावित हुने आयोगको चिन्ता छ ।

प्रधानमन्त्री शेरबहादुर देउवाले आइताबार पनि सरकारले प्रदेश प्रमुख र अस्थायी राजधानी छिट्टै तोक्ने दोहोर्याएका छन् । कैलालीको गोदावरीमा बाह्र राशी मकर मेलाको उद्घाटन गर्दै प्रधानमन्त्री देउवाले तीन दिनभित्रै प्रदेश प्रमुख र अस्थायी राजधानी तोकिने बताए । दलहरुसंग सहमतिको प्रयास गर्दा केही ढिलाई भएको बताउदै देउवाले अब सहमति भए पनि नभए पनि तीन दिनभित्र प्रदेश प्रमुख र राजधानी सरकारले तोक्ने बताए । संसद गठनको प्रकृया बाँकी रहेकाले प्रधानमन्त्रीबाट आफूलाई राजीनामा दिन समस्या भएको समेत प्रधानमन्त्री देउवाको भनाई छ । राष्ट्रिय सभाको निर्वाचन हुन बाँकी रहेको उल्लेख गर्दै उनले संविधानको मर्म र भावना नबुझेर सत्ता हस्तान्तरणको राग अलाप्नुको अर्थ नभएको बताए ।

राष्ट्रिय सभाको निर्वाचनपछि मात्र संसदले पूर्णता पाउने भएकाले त्यो अवधिसम्म कायम रहने उनको भनाई थियो ।

Related News

सम्बन्धित समाचार

  • सातै प्रदेशमा लगानी सम्मेलन गर्दै उद्योग वाणिज्य महासंघ

    रासस असाेज १६, २०८०
    ढोरपाटन । नेपाल उद्योग वाणिज्य महासंघले हाल शिथिल जस्तो देखिएको मुलुकको अर्थतन्त्रलाई चलायमान बनाउन तथा देशैभरि लगानीका सम्भावनालाई उजागर गर्न…
  • हिरासत कक्षमा पुस्तकालय स्थापना

    आदर्श समाज सम्वाददाता असाेज १६, २०८०
    बेनी । जल्ला प्रहरी कार्यालय म्याग्दीको हिरासत कक्षमा पुस्तकालय स्थापना गरिएको छ । सामाजिक र मानवीय सेवाको क्षेत्रमा क्रियाशील लायन्स…
  • डाक्टर कुट्ने वडाध्यक्ष रिहा

    आदर्श समाज सम्वाददाता असाेज १६, २०८०
    बेसीशहर । लमजुङ अस्पतालका चिकित्सकमाथि हातपात गर्ने वडाध्यक्ष धरौटीमा रिहा भएका छन् । जिल्ला अदालत लमजुङले बेंशिसहर नगरपालिका ७ का…
  • सुदिप गौतमको स्मृतिमा शैक्षिक सामग्री वितरण

    आदर्श समाज सम्वाददाता असाेज १५, २०८०
    पोखरा । मर्दी हिमाल ट्रेक व्यवसाय तथा व्यवस्थापन समिति संस्थापक अध्यक्ष सुदिप गौतमको प्रथम स्मृति दिवसमा विद्यार्थीहरुलाई शैक्षिक सामग्री वितरण…
  • गाउँपालिकालाई युवा संघको ५ बुँदे ध्यानाकर्षण

    आदर्श समाज सम्वाददाता असाेज १५, २०८०
    हेमजा । राष्ट्रिय युवा संघ नेपाल अन्नपूर्ण गाउँपालिका कमिटीले अन्नपूर्ण गाउँपालिका कार्यालयलाई ५ बुँदे ध्यानाकर्षण गराएको छ । कमिटी अध्यक्ष…

hero news full width