बृहत्तर हितका  लागि एकताः प्रचण्ड

आदर्श समाज सम्वाददाता
पौष ३०, २०७४

काठमाडौं, २९ पुस। नेकपा माओवादी केन्द्रका अध्यक्ष पुष्पकमल दाहाल प्रचण्डले देशको बृहत्तर हितका लागि नै एमाले र माओवादी केन्द्रबीच पार्टीएकता गर्न लागेको बताएका छन्।

शनिवार नेपाल देशभक्त गणतान्त्रिक मञ्चले काठमाडौंमा आयोजना गरेको स्रष्टा सम्मान कार्यक्रममा बोल्दै अध्यक्ष प्रचण्डले यसअघि दलहरु मिलेर नै संविधान बनाउनुकासाथै अन्य जोखिमपूर्ण काम गरेको स्मरण गर्दै अब आर्थिक विकास पनि मिलेर नै गर्ने बताए। उनले भने, ‘हामीले मिलेर संविधान बनायौं, ठूलठूला जोखिम थिए। तर, मिलेरै संविधान कार्यान्वयन भयो। अब देशको स्थिरता, सुशासन र विकासको विकल्प छैन।’

अध्यक्ष प्रचण्डले आफुहरुले त्यत्तिकै पार्टीएकताको कुरा गरेका नभई देशको राजनीतिक अस्थिरता अन्त्य गर्न, सुशासन र विकासलाई गति दिन नै एमाले र माओवादी केन्द्रबीच पार्टीएकता गर्न लागिएको बताए। यो नेपालको भविष्य निर्माणका लागि निकै ठूलो कुरा हो।’ उनको तर्क थियो।

अध्यक्ष प्रचण्डले राजनीतिक स्थायित्व कायम गरी मुलुकलाई सुशासन र विकास उन्मुख गराउने विषय वामगठबन्धनका लागि चुनौतीपूर्ण भएको बताए।

अध्यक्ष दाहालले मुलुक धेरै अप्ठ्याराहरु पार गर्दे सही बाटोमा आएको भए पनि चुनौती हटिनसकेको बताए। संविधान कार्यान्वयन भएन भने देश के हुने भन्ने दुविधा, शंका र कयौ अप्ठ्यारालाई पार गर्दै प्राप्त ऐतिहासिक उपलब्धि एउटा अवसर र चुनौति दुवै भएको उनको भनाई थियो। राजनितिक स्थायित्व, सुशासन र विकास वामगठबन्धनको औचित्य भएको भन्दै उनले चुनौतीलाई पार गर्दै अवसर उन्मुख हुनुपर्ने उल्लेख गरे। अध्यक्ष दाहालले संविधान कार्यान्वय भई राजनितिक संक्रमण हटिसकेको अवस्थामा राजनितिक नेतृत्व पनि निराशाको बीचमा नभई नया आत्मविश्वास र उत्साहका साथ अघि बढेको उल्लेख गरे।

Related News

सम्बन्धित समाचार

  • गुरुङ ब्युटीपार्लरमा मेहेन्दी मेला

    आदर्श समाज सम्वाददाता श्रावण १, २०८१
    पोखरा । गुरुङ ब्युटीपार्लर एवं एकेडेमी, पोखरामा मेहेन्दी मेला सुरु भएको छ । एकेडेमीको न्यूरोडस्थित प्रागंणमा साउनलक्षित मेला ३० असारदेखि…
  • न्यायपालिकाको पञ्चवर्षीय रणनीतिक योजना सार्वजनिक

    रासस श्रावण १, २०८१
    काठमाडौं । न्यायपालिकाको पाँचौं पञ्चवर्षीय रणनीतिक योजना (२०८१/८२–२०८५/८६) सार्वजनिक गरिएको छ । प्रधानन्यायाधीश विश्वम्भरप्रसाद श्रेष्ठले मंगलबार योजना सार्वजनिक गर्दै न्यायपालिका…
  • गण्डकीका संस्थापक मुख्यमन्त्री बने सञ्चारमन्त्री

    आदर्श समाज सम्वाददाता श्रावण १, २०८१
    पोखरा । ओली नेतृत्वको मन्त्रिमण्डलमा सोमबार सञ्चारमन्त्री नियुक्त पृथ्वीसुव्वा गुरुङ नेपालको संसदीय राजनीतिमा सम्भवतः सबैभन्दा बढी निर्वाचनमा उम्मेदवार बनेका राजनीतिज्ञ…
  • कास्कीकी विद्या शिक्षामन्त्री

    आदर्श समाज सम्वाददाता श्रावण १, २०८१
    तत्कालीन पर्यटन मन्त्री रवीन्द्र अधिकारीको २०७५ फागुनमा हेलिकोप्टर दुर्घटनामा निधन भएसँगै कास्की क्षेत्र २ रिक्त हुन गयो । २०७६ सालको…
  • प्रधानमन्त्रीसहित नवनियुक्त १९ मन्त्रीद्वारा शपथ ग्रहण   

    आदर्श समाज सम्वाददाता असार ३१, २०८१
    काठमाडौं । राष्ट्रपति रामचन्द्र पौडेलले नवनियुक्त प्रधानमन्त्री र १९ मन्त्रीलाई आज पद तथा गोपनीयताको शपथ गराउनुभएको छ । नवनियुक्त प्रधानमन्त्री…

hero news full width