पोखरा २९ पुस। पोखरा क्यानोनिङका सञ्चालक तथा युवा समाजसेवी रामबहादुर गुरुङले आफ्नो छोरीको जन्मदिनको अवसर पारी माछापुच्छ्रे गाउँपालिकामा रहेका विभिन्न ५ वटा विद्यालयमा न्यानो कपडा वितरण गरेका छन्।

मेरिगोल्ड चेन नामक संस्थासँग सहकार्य गरी गुरुङले आफ्नो छोरीको पहिलो वर्ष प्रवेश गरेको अवसर पारी माछापुच्छ्रे गाउँपालिकामा रहेका ५ वटा विद्यालयमा न्यानो कपडा वितरण गरेका हुन्।

माछापुच्छ्रे गाउँपालिकामा रहेका अन्नपूर्ण आधारभूत विद्यालय, शिवशंकर आधारभूत विद्यालय, तारे बराह आधारभूत विद्यालय, निश्पक्ष मावि र संगम आधारभूत विद्यालयमा अध्ययनरत कक्षा एकदेखि ५ सम्म अध्ययनरत १ सय विद्यार्थीलाई न्यानो कपडा वितरण गरेको हो।

उक्त अवसरमा बोल्दै अन्नपूर्ण आधारभूत विद्यालयका प्रध्यानाध्यापक दीपकराज ढुंगानाले आफ्ना विद्यार्थीलाई जाडोको समयमा न्यानो कपडा वितरण गरेर विद्यार्थी र विद्यालयलाई गरेको सहयोगको प्रशंसा गरे।

त्यस्तै समाजसेवी रामबहादुर गुरुङले आफ्नो छोरीको जन्मदिनको अवसर पारेर सहयोग गर्न पाउदा निकै खुसी लागेको र अन्य व्यक्तिले पनि यस्ता सामाजिक काममा अगाडि बढेर एकले अकोर्लाई सहयोग गर्नुपर्नेमा जोड दिए। उक्त अवसरमा समाजसेवी भरत गुरुङ, सञ्चारकर्मी अस्मिता गुरुङको सहभागिता रहेको थियो।